چوہے اور نیولے کی لڑائی والی ویڈیو سوشل میڈیا پر اپ لوڈ کرکے مشہور ہونے والا نوجوان پولیس کے ہتھے چڑھ گیا، معافی مانگنے کی ویڈیو وائرل

پولیس کی کارروائی

فیصل آباد (زین بابو) پولیس نے چوہے پکڑنے والے نوجوان استاد قمر کو شہرت حاصل کرنے کے لیے چوہے اور نیولے کی لڑائی کروانے کی ویڈیو سوشل میڈیا پر اپ لوڈ کرنے پر حراست میں لے لیا۔ تاہم ویڈیو ڈیڑھ سال پرانی ہونے پر استاد قمر چوہے والے کو تنبیہ کر کے چھوڑ دیا گیا۔

یہ بھی پڑھیں: کراچی آج سے 3 دن تک ہیٹ ویو کی لپیٹ میں رہے گا، الرٹ جاری

استاد قمر کا موقف

استاد قمر کی جانب سے چوہے اور نیولے کی لڑائی پر معافی اور چوہے پکڑنے کا کام چھوڑنے کا بیان بھی منظرِ عام پر آ گیا۔

یہ بھی پڑھیں: سکیورٹی فورسز کا خضدار میں انٹیلی جنس بیسڈ آپریشن، 4 بھارتی سرپرستی یافتہ دہشتگرد ہلاک

پنجاب پولیس کے سامنے معافی

منظرِ عام پر آنے والی ویڈیو میں استاد قمر چوہے مار نے ڈیڑھ سال قبل چوہے اور نیولے کی لڑائی کروانے پر پنجاب پولیس سے معافی مانگتے ہوئے آئندہ جانوروں کو نقصان نہ پہنچانے کا وعدہ کیا ہے۔

یہ بھی پڑھیں: روس کے گارڈز ہمیں اذیت دے کر خوش ہوتے تھے: یوکرینی جنگی قیدی جو ایک سال تک حراست میں خاموش رہا

نئے راستے کی طرف پیش قدمی

اس کے ساتھ ساتھ اپنے اہلِ خانہ کی خواہش پر چوہے پکڑنے کا کام چھوڑنے کا اعلان کرتے ہوئے استاد قمر نے بتایا کہ اس نے دھاگے کی ایک فیکٹری میں ملازمت شروع کر دی ہے، لہٰذا لوگ اسے اب چوہے پکڑنے کے لیے تنگ نہیں کریں۔