چوہے اور نیولے کی لڑائی والی ویڈیو سوشل میڈیا پر اپ لوڈ کرکے مشہور ہونے والا نوجوان پولیس کے ہتھے چڑھ گیا، معافی مانگنے کی ویڈیو وائرل

پولیس کی کارروائی

فیصل آباد (زین بابو) پولیس نے چوہے پکڑنے والے نوجوان استاد قمر کو شہرت حاصل کرنے کے لیے چوہے اور نیولے کی لڑائی کروانے کی ویڈیو سوشل میڈیا پر اپ لوڈ کرنے پر حراست میں لے لیا۔ تاہم ویڈیو ڈیڑھ سال پرانی ہونے پر استاد قمر چوہے والے کو تنبیہ کر کے چھوڑ دیا گیا۔

یہ بھی پڑھیں: 37 فالوورز والے ایکس اکاؤنٹ سے ٹویٹ کرنے پر برطانوی شہری کو 10 سال قید کی سزا سنادی گئی

استاد قمر کا موقف

استاد قمر کی جانب سے چوہے اور نیولے کی لڑائی پر معافی اور چوہے پکڑنے کا کام چھوڑنے کا بیان بھی منظرِ عام پر آ گیا۔

یہ بھی پڑھیں: کیا خیبر پختونخوا میں گورنرراج لگایا جا سکتا ہے؟ علی امین گنڈاپورنے مشاورت مکمل کر لی

پنجاب پولیس کے سامنے معافی

منظرِ عام پر آنے والی ویڈیو میں استاد قمر چوہے مار نے ڈیڑھ سال قبل چوہے اور نیولے کی لڑائی کروانے پر پنجاب پولیس سے معافی مانگتے ہوئے آئندہ جانوروں کو نقصان نہ پہنچانے کا وعدہ کیا ہے۔

یہ بھی پڑھیں: رحیم یار خان کے قریب ٹریفک حادثہ، 4 مسافر جاں بحق، وزیر اعلیٰ پنجاب کا اظہار افسوس

نئے راستے کی طرف پیش قدمی

اس کے ساتھ ساتھ اپنے اہلِ خانہ کی خواہش پر چوہے پکڑنے کا کام چھوڑنے کا اعلان کرتے ہوئے استاد قمر نے بتایا کہ اس نے دھاگے کی ایک فیکٹری میں ملازمت شروع کر دی ہے، لہٰذا لوگ اسے اب چوہے پکڑنے کے لیے تنگ نہیں کریں۔