ہمیں سندھ کو پیپلز پارٹی کی کرپشن سے بچانا ہے ، بہت جلد ’’سندھ بچاؤ۔۔۔ کرپشن مٹاؤ‘‘مارچ نکالیں گے،حلیم عادل شیخ

پی ٹی آئی سندھ کے صدر کا بیان

کراچی (ڈیلی پاکستان آن لائن) پی ٹی آئی سندھ کے صدر حلیم عادل شیخ کا کہنا ہے کہ ہمیں گولیاں ماری گئیں اور جب ہم سوال پوچھتے ہیں کہ گولی کیوں چلائی؟ تو ہم پر پیکا ایکٹ لگا دیا جاتا ہے۔ یہ ظلم کی انتہا ہے پھر بھی ہم کھڑے ہیں۔ وکلاء برادری جلدی آئیں اور رول آف لاء، آئین کی بالادستی، عدلیہ کی آزادی، یکساں نظامِ انصاف اور ملک کی ترقی کے لیے تحریک انصاف کا ساتھ دیں۔

یہ بھی پڑھیں: عمران خان کو سزا ہونا ممکن نہیں ،حکومت کی ساکھ خراب ہوچکی : اسد قیصر نے اگلی حکمت عملی بتا دی

سندھ بچاؤ، کرپشن مٹاؤ مارچ کی تیاری

میڈیا سے گفتگو کرتے ہوئے انہوں نے کہا کہ ہمیں سندھ کو پیپلز پارٹی کی کرپشن سے بچانا ہے، انشاءَاللہ ہم بہت جلد "سندھ بچاؤ، کرپشن مٹاؤ" مارچ نکالیں گے۔ اب کھڑا ہونے کا وقت ہے، یہ سب ناجائز اقتدار پر بیٹھے لوگ ہیں جو صرف 17 سیٹوں کے ذریعے حکومت کر رہے ہیں۔

یہ بھی پڑھیں: پہلی زلمی وومن کرکٹ لیگ کا پشاور میں رنگا رنگ آغاز ہوگیا

عمران خان اور قید کی صورتحال

حلیم عادل شیخ نے مزید کہا کہ عمران خان ڈھائی سال سے اس قوم کے لیے جیل میں ہیں۔ آج اگر وہ چاہیں تو سب کچھ حاصل کر سکتے ہیں، مگر وہ اصولوں پر کھڑے ہیں۔ خان صاحب کی اہلیہ، اُن کے بھانجے، شاہ محمود قریشی، ڈاکٹر یاسمین راشد، اعجاز چوہدری، میاں محمود الرشید، عمر چیمہ سمیت کئی خواتین جیلوں میں قید ہیں۔ جبکہ جو لوگ باہر ہیں، اُن کی 40، 40 سال کی سزائیں سنائی گئی ہیں۔

حالیہ ٹویٹ

ہمیں سندھ کو پیپلز پارٹی کی کرپشن سے بچانا ہے انشاءَاللہ ہم بہت جلد "سندھ بچاؤ، کرپشن مٹاؤ" مارچ نکالیں گے۔ اب کھڑا ہونے کا وقت ہے یہ سب ناجائز اقتدار پر بیٹھے لوگ ہیں جو صرف 17 سیٹوں کے ذریعے حکومت کر رہے ہیں۔ @PTIofficial pic.twitter.com/UqEzMoiDEV

— Haleem Adil Sheikh (@HaleemAdil) November 6, 2025