پی ٹی آئی کے سابق رہنما متحرک۔۔۔ اسحاق ڈار، ایاز صادق اور مولانا فضل الرحمان سے ملاقاتوں کا فیصلہ

سیاسی درجہ حرارت میں کمی کے اقدام

اسلام آباد (ڈیلی پاکستان آن لائن) پاکستان تحریک انصاف کے سابق رہنماؤں نے سیاسی درجہ حرارت میں کمی لانے اور بانی کی رہائی کے لئے وفاقی وزرا اور اسپیکر قومی اسمبلی سمیت اہم سیاست دانوں سے ملاقات کا فیصلہ کیا ہے۔

یہ بھی پڑھیں: پی ٹی آئی کے مرکزی سیکریٹری جنرل شیخ وقاص اکرم کے گھر پر پولیس کا چھاپہ

ملاقاتوں کا سلسلہ

ایکسپریس نیوز کے مطابق، سیاسی درجہ حرارت میں کمی لانے اور بانی پی ٹی آئی کی رہائی کی تحریک چلانے کے معاملے پر تحریک انصاف کے سابق رہنما فواد چوہدری، عمران اسماعیل، اور محمود مولوی ایک بار پھر سیاسی محاذ پر متحرک ہوگئے ہیں۔

یہ بھی پڑھیں: فتنہ ختم ہونے جا رہا ، گھس بیٹھیوں کی سیاست اپنے آخری دموں پر ہے: مریم نواز

نائب وزیراعظم سے ملاقات

تحریک انصاف کے سابق رہنماوں کی جانب سے سیاسی جماعتوں کے رہنماوں سے ملاقاتوں کا سلسلہ جاری ہے، جبکہ پی ٹی آئی کے سابق رہنماؤں نے نائب وزیراعظم اسحاق ڈار سے کل ملاقات کا فیصلہ کیا ہے۔

یہ بھی پڑھیں: عالمی معاشی بحران کا خدشہ، سونے کی قیمت میں اضافہ ، نئی بلند ترین سطح پر پہنچ گئی

مذاکرات کے فروغ پر گفتگو

ذرائع کے مطابق، اسحاق ڈار سے ملاقات میں سیاسی تناو میں کمی لانے کے لیے مذاکرات کے فروغ پر گفتگو ہوگی۔ اس کے علاوہ، سابق پی ٹی آئی رہنما اسپیکر قومی اسمبلی سردار ایاز صادق اور مولانا فضل الرحمان سے بھی ملاقاتیں کریں گے جس کے لیے وقت طے کیا جا رہا ہے۔

یہ بھی پڑھیں: پولیس اہلکار کی شہادت: ڈی چوک میں مظاہرین کے تشدد کے نتیجے میں نماز جنازہ ادا

اڈیالہ جیل میں ملاقات

تحریک انصاف کے سابق رہنما سیاسی جماعتوں سے رابطوں کے بعد بانی پی ٹی آئی سے بھی ملاقات کے لیے اڈیالہ جیل جائیں گے۔

شاہ محمود قریشی سے ملاقات

واضح رہے کہ پاکستان تحریک انصاف کے سابق رہنما اس سے قبل پی ٹی آئی کے وائس چیئرمین شاہ محمود قریشی سے بھی اسپتال میں ملاقات کر چکے ہیں، اور اُن کا کہنا تھا کہ شاہ محمود قریشی نے سیاسی درجہ حرارت میں کمی پر رضامندی ظاہر کی ہے۔