قازقستان ابراہم اکارڈ میں شامل ہو رہا ہے، صدر ٹرمپ کا اعلان

قازقستان کا ابراہم اکارڈ میں شامل ہونا

واشنگٹن(ڈیلی پاکستان آن لائن) امریکی صدر ڈونلڈ ٹرمپ نے اعلان کیا ہے کہ قازقستان ابراہم اکارڈ میں شامل ہو رہا ہے۔ دیگر کئی ممالک بھی اس کلب میں شامل ہو کر اسے مضبوط کریں گے۔ یہ پیشرفت دنیا میں تعلقات استوار کرنے اور امن کے فروغ کی سمت ایک نمایاں قدم ہے۔

یہ بھی پڑھیں: ایم کیو ایم کا سندھ ہائی کورٹ کے ایم ڈی کیٹ ٹیسٹ دوبارہ منعقد کرانے کے حکم کا خیرمقدم

وسط ایشائی رہنماؤں کے ساتھ ملاقات

وسط ایشیائی ممالک کے رہنماؤں سے ملاقات میں، امریکی صدر نے کہا کہ وسط ایشیا کے دیگر ممالک بھی ابراہم اکارڈ میں شامل ہوں گے اور ہم نے کئی دوسرے ممالک سے رابطہ کیا ہے۔

یہ بھی پڑھیں: 5 سال سے پاکستان سٹاک ایکسچینج ڈالرز میں 7 فیصد منافع کما رہا ہے:شمشاد اختر

اسٹریٹیجک بات چیت

ڈونلڈ ٹرمپ نے مزید کہا، "میری ابھی قازقستان کے صدر اور اسرائیلی وزیراعظم کے ساتھ بات چیت ہوئی ہے۔ میری دوسری ٹرم میں قازقستان پہلا ملک ہے جو اس معاہدے میں شامل ہو رہا ہے۔"

غزہ میں بین الاقوامی فورس کی تعیناتی

ایک سوال کے جواب میں ٹرمپ نے کہا کہ غزہ میں انٹرنیشنل فورس جلد تعینات ہوگی۔ انہوں نے کہا کہ حماس امن معاہدے کا صرف ایک چھوٹا سا حصہ ہے، اور اگر حماس نے گڑبڑ کی تو ہم سختی سے نمٹیں گے۔