نابینا نجومی بابا وانگا کی 2026 کے لیے کی جانے والی بڑی پیشگوئیاں سامنے آگئیں
بابا وانگا کی پیشگوئیاں 2026 کے لئے
صوفیا (ڈیلی پاکستان آن لائن) مشہورِ زمانہ نابینا نجومی بابا وانگا کی جانب سے آئندہ سال کے لئے ماضی میں کی جانے والی پیشگوئیاں سامنے آگئیں۔
یہ بھی پڑھیں: ہر ایک کو ٹیکس اتھارٹی کے ساتھ ڈیل کرنا پڑے گی: وزیر خزانہ
بابا وانگا کا تعارف
بلغاریہ سے تعلق رکھنے والی معروف خاتون نابینا نجومی آنجہانی بابا وانگا کا شمار ان افراد میں ہوتا ہے جنہوں نے دنیا بھر کے تاریخی اور افسوسناک واقعات سے متعلق سچ پیشگوئیاں کی تھیں۔
بابا وانگا کی پیدائش 1911 میں اور موت 1996 میں ہوئی تھی، اس وقت ان کی عمر 85 برس تھی۔ وہ دنیا کی تاریخ کے سب سے بڑے واقعات کی پیشگوئیاں کرگئیں، جیسے 9/11 کی مبینہ پیشگوئی۔
یہ بھی پڑھیں: بھارت نے دریائے چناب میں اچانک پانی چھوڑ دیا
بابا وانگا کی زندگی
بابا وانگا کی پرورش رومانیہ میں ہوئی، تاہم جب وہ 12 برس کی تھیں تو رومانیہ میں شدید مٹی کا طوفان آیا جس میں وہ نابینا ہوگئیں۔ یہ ناصرف جڑی بوٹیوں کی حکیم تھیں بلکہ مذہبی پیشوا بھی، جنہوں نے سال 5079 تک کی پیشگوئیاں کی ہیں۔
2026 کے لئے بابا وانگا کی پیشگوئیاں
1) تباہ کن قدرتی آفات
بابا وانگا نے پیشگوئی کی ہے کہ دنیا قدرتی آفات کے گھیرے میں رہے گی، اور 2026 کے لئے یہ کہا ہے کہ اس سال بڑے پیمانے پر زلزلے، آتش فشاں پھٹنے اور موسم کی شدت زمینی رقبے کے 7 سے 8 فیصد حصے کو تباہ کردے گی۔
یہ بات قابلِ ذکر ہے کہ یورپ میں ریکارڈ گرمی کی لہر، آسٹریلیا اور کینیڈا میں تباہ کن جنگلات کی آگ اور میانمار جیسی جگہوں پر آنے والے زلزلے نے اس پیشگوئی کو مزید توجہ دی ہے۔
2) عالمی طور پر بڑھتے ہوئے تنازعات
بابا وانگا کا نام بڑھتے ہوئے عالمی تنازعات کی پیشگوئیوں کے ساتھ بھی منسلک ہے۔ 2025 سے انسانیت کا زوال شروع ہوجائے گا، اور 2026 میں عالمی طاقتوں جیسے چین، روس اور امریکا کے درمیان تنازعات پیدا ہوسکتے ہیں۔
3) دوسری تہذیبوں سے رابطہ
بابا وانگا نے اس سال سے متعلق ایک اور پیشگوئی کی ہے کہ انسانوں کا دوسری مخلوق یا تہذیبوں کے ساتھ پہلی بار رابطہ ہوسکتا ہے۔ کچھ رپورٹس کے مطابق 2026 میں ایک بڑا خلائی جہاز زمین کے قریب آسکتا ہے۔
4) عالمی معیشت کے چیلنجز
بابا وانگا کی پیشگوئی ہے کہ عالمی معیشت کے لئے آنے والا سال انتہائی مشکل ہوسکتا ہے۔
5) مصنوعی ذہانت کی ترقی
وانگا کے مطابق مصنوعی ذہانت 2026 میں دنیا کے بڑے اور اہم شعبوں پر غلبہ حاصل کرلے گی، جس سے نہ صرف ملازمتوں میں خلل پڑے گا بلکہ سنگین مسائل بھی پیدا ہوسکتے ہیں۔
