اسلام آباد ہائی کورٹ کی خاتون جج جسٹس ثمن رفعت کیخلاف توہین عدالت درخواست خارج

اسلام آباد ہائی کورٹ کا فیصلہ

اسلام آباد(ڈیلی پاکستان آن لائن) اسلام آباد ہائی کورٹ نے خاتون جج جسٹس ثمن رفعت کے خلاف توہین عدالت کی درخواست خارج کر دی۔

یہ بھی پڑھیں: 5 فلموں کا بزنس 2200 کروڑ، بالی وڈ اداکار جس نے کمائی میں رنبیر، الو ارجن کو بھی پیچھے چھوڑدیا

درخواست کی سماعت

نجی ٹی وی چینل ایکسپریس نیوز کے مطابق جسٹس خادم حسین سومرو نے کلثوم خالق ایڈووکیٹ کی درخواست کو ناقابل سماعت قرار دے کر خارج کرنے کا تحریری حکمنامہ جاری کیا۔ عدالت نے رجسٹرار آفس کے اعتراضات برقرار رکھتے ہوئے درخواست خارج کر دی۔ مزید برآں، عدالت نے خاتون وکیل پر بھاری جرمانہ عائد کرنے سے گریز کیا۔

یہ بھی پڑھیں: وزیرِ اطلاعات عظمیٰ بخاری کا آل پاکستان نیوزپیپرز سوسائٹی کی ایگزیکٹو کمیٹی کے اعزاز میں عشائیہ

عدالت کے ریمارکس

اسلام آباد ہائی کورٹ نے کہا کہ جج کے خلاف کارروائی کا صحیح فورم سپریم جوڈیشل کونسل ہے۔ جسٹس ثمن رفعت امتیاز نے صرف آبزرویشنز دیں، کوئی حکم جاری نہیں کیا جس پر عملدرآمد ہوتا۔

یہ بھی پڑھیں: نیو کراچی میں آگ لگنے کے باعث فیکٹری منہدم، ملبے تلے ریسکیو اہلکاروں کے دبے ہونے کا خدشہ

حکمنامے کی تفصیلات

حکمنامے میں کہا گیا کہ پٹیشنر نے توہین عدالت کی درخواست میں بہت سے ایسے افراد کو فریق بنایا جو آئینی عہدوں پر موجود ہیں۔ آئینی عہدے پر فائز شخص یا شخصیات کو فریق نہیں بنایا جا سکتا جب تک ان کے خلاف کوئی ٹھوس ثبوت نہ ہو۔

یہ بھی پڑھیں: بڑے سرکاری اداروں کا خسارہ 300 فیصد بڑھ گیا

موجودہ ججز کے خلاف کارروائی

اسلام آباد ہائی کورٹ نے مزید کہا کہ اعلیٰ عدلیہ کا کوئی جج اسی عدالت کے کسی دوسرے حاضر سروس جج کے خلاف توہین عدالت کی کارروائی کرنے کا مجاز نہیں ہے۔ کسی حاضر سروس جج کے خلاف توہین عدالت کی کارروائی قابل سماعت نہیں ہوتی۔

پٹیشنر کی درخواست کا جائزہ

پٹیشنر کی جانب سے کی گئی استدعا غلط فہمی پر مبنی، قابل اعتبار مواد سے غیر مستند اور آئینی دائرہ اختیار سے باہر ہے۔ عدالت نے پٹیشنر کی جانب سے آفس اعتراضات پر مطمئن نہ ہونے کے باعث کیس داخل دفتر کرنے کا حکم دے دیا۔