چیف منسٹر آئی ٹی انٹرن شپ پروگرام کا آغاز، 50 ہزار روپے اسکالرشپ دیا جائے گا، طلباء کیسے اپلائی کرسکتے ہیں؟ جانیے

پنجاب میں چیف منسٹر آئی ٹی انٹرن شپ پروگرام کا آغاز

لاہور (ڈیلی پاکستان آن لائن) وزیراعلیٰ مریم نواز کے ویژن کے مطابق ڈیجیٹل پنجاب کے خواب کی تکمیل کی جانب اہم قدم اٹھاتے ہوئے پنجاب میں چیف منسٹر آئی ٹی انٹرن شپ پروگرام کا آغاز کردیا گیا ہے۔ یہ پروگرام پنجاب میں آئی ٹی گریجویٹس کو آئی ٹی کمپنیوں کے ساتھ منسلک کرنے کی شاندار کاوش ہے۔

یہ بھی پڑھیں: شارجہ: آبِ زم زم کے نام پر عام پانی فروخت کرنے والا ملزم گرفتار

انٹرن شپ کی تفصیلات

چیف منسٹر آئی ٹی انٹرن شپ پروگرام کے تحت 5 ماہ کی انٹرن شپ کے دوران 50 ہزار روپے سکالر شپ فراہم کیا جائے گا۔ یہ آئی ٹی اور کمپیوٹر سائنس گریجویٹس کے لیے معروف سافٹ ویئر ہاؤسز میں انٹرن شپ کا شاندار موقع ہے۔ آئی ٹی گریجویٹس مارکیٹ کے مطابق سکلز اور ٹیکنالوجی میں ٹریننگ حاصل کر سکیں گے۔

یہ بھی پڑھیں: یونیورسٹی آف لندن نے جسٹس عائشہ ملک کو ڈاکٹریٹ کی اعزازی ڈگری سے نواز دیا

درخواست کا طریقہ

آئی ٹی کمپنیز میں انٹرن شپ سے پروفیشنل اور ایکسپرٹ ماہرین سے استفادہ کرنے کا نادر موقع بھی ملے گا۔ 4 سال میں ڈگری مکمل کرنے والے پنجاب کے رہائشی آئی ٹی گریجویٹس آن لائن اپلائی کر سکتے ہیں۔ طلباء آسانی سے آن لائن درخواست دے سکتے ہیں۔

وزیراعلیٰ کا بیان

وزیراعلیٰ مریم نواز نے کہا ہے کہ پنجاب کو آئی ٹی کا حب بنا کر ترقی کی نئی راہ پر گامزن کیا جا رہا ہے۔ نواز شریف آئی ٹی سٹی گیم چینجر منصوبہ ثابت ہوگا۔