ایران نے پاکستان اور افغان طالبان کے درمیان ثالثی کی پیشکش کردی

ایران کی ثالثی کی پیشکش

اسلام آباد (ڈیلی پاکستان آن لائن) ایران نے پاکستان اور افغان طالبان کے درمیان ثالثی و مصالحت کی پیشکش کردی۔

یہ بھی پڑھیں: آرمی چیف جنرل سید عاصم منیر سے امریکی وفد کی ملاقات، آئی ٹی کے شعبے میں تعاون کے ایم او یوز پر دستخط

سفارتی رابطے

’’جیو نیوز‘‘ نے سفارتی ذرائع کے حوالے سے بتایا ہے کہ ایرانی وزیر خارجہ سید عباس عراقچی نے وزیر خارجہ اسحاق ڈار اور افغان وزیر خارجہ امیر خان متقی سے فون پر رابطہ کیا اور کہا کہ ایران مصالحت کے لیے ہر ممکن مدد کو تیار ہے۔ ٹیلی فون پر اسحاق ڈار اور ایرانی وزیر خارجہ نے دوطرفہ تعلقات، علاقائی اور بین الاقوامی امور پر تبادلۂ خیال کیا۔

یہ بھی پڑھیں: ویڈیو: پیسے دیتے جائیں اور کاروبار کرتے جائیں “میں رشوت نہیں دے سکا میرا کاروبار بند ہوگیا” ریڑھی والے کی بد دعائیں۔۔۔

کشیدگی پر تشویش

ایرانی وزیر خارجہ نے پاکستان اور افغان طالبان کے درمیان ثالثی و مصالحت کی پیشکش کی اور دونوں ممالک کے قدیم اور دوستانہ تعلقات کی اہمیت پر زور دیا۔ ایران کی جانب سے افغانستان اور پاکستان کے درمیان کشیدگی پر تشویش کا اظہار کیا گیا۔ ایرانی وزیر خارجہ نے زور دیا کہ دونوں ممالک کو بات چیت جاری رکھنی چاہیے۔ ایران ہر ممکن مدد کے لیے تیار ہے تاکہ دونوں ممالک میں امن و مصالحت قائم ہو سکے۔

یہ بھی پڑھیں: خیبرپختونخوا حکومت نے 24 جولائی کو امن و امان بارے آل پارٹیز کانفرنس طلب کرلی

پاکستان کی حمایت

سفارتی ذرائع کے مطابق وزیر خارجہ اسحاق ڈار نے ٹیلی فونک گفتگو میں افغانستان کے ساتھ حالیہ مذاکرات اور موجودہ حالات پر روشنی ڈالی۔ اسحاق ڈار نے کہا کہ علاقائی امن و استحکام کا برقرار رہنا نہایت اہم ہے۔ فریقین نے اس معاملے پر رابطے اور مشاورت جاری رکھنے پر اتفاق کیا۔

مزید رابطے

سفارتی ذرائع کے مطابق ایرانی وزیر خارجہ نے افغان وزیر خارجہ امیر خان متقی سے بھی ٹیلیفونک رابطہ کیا۔