کوپ 30 کانفرنس میں پاکستان پویلین کا افتتاح، وزیراعلیٰ مریم نواز عالمی رہنماؤں اور ماحولیاتی اداروں کی قیادت سے ملاقاتیں کریں گی

وزیراعلیٰ پنجاب کا بیلم دورہ

لاہور (ڈیلی پاکستان آن لائن) وزیراعلیٰ پنجاب مریم نواز برازیل کے شہر بیلم میں عالمی کوپ 30 کانفرنس میں باقاعدہ طور پر شرکت کریں گی۔ اس موقع پر وہ پاکستان پویلین کا افتتاح اور خطاب بھی کریں گی۔ وزیراعلیٰ کے ہمراہ سینئر صوبائی وزیر مریم اورنگزیب، وزیر تعلیم رانا سکندر اور وزیر لوکل گورنمنٹ ذیشان رفیق بھی موجود ہیں۔

یہ بھی پڑھیں: مودی جاہل شخص ہے، اس جیسے حکمراں تاریخ میں جب آئے ملک منتشر ہو گئے: خواجہ آصف

ماحولیاتی بہتری پر کلیدی خطاب

وزیراعلیٰ مریم نواز کوپ 30 کانفرنس میں پنجاب میں ماحولیاتی بہتری کے ویژن اور اقدامات پر کلیدی خطاب کریں گی۔ وہ کلائمیٹ ریزی لینس، ستھرا پنجاب، الیکٹرک گاڑیوں، جنگلات اور جنگی حیات کے تحفظ و فروغ بارے ویژن کو اجاگر کریں گی۔

کانفرنس کی مدت

کوپ 30 کانفرنس 21 نومبر تک جاری رہے گی۔ وزیراعلیٰ مریم نواز دورے کے دوران عالمی رہنماؤں، بین الاقوامی ماحولیاتی اداروں کی قیادت اور ماہرین سے ملاقاتیں کریں گی۔