اسلام آباد دھماکہ قابل مذمت، دنیا تسلیم کرے کہ پاکستان نے دہشتگردی کے خلاف سب سے زیادہ قربانیاں دی ہیں، پاکستانی نژاد امریکی بزنس مین تنویر احمد

تنویر احمد کا خودکش بم حملے کی مذمت

نیو یارک (ڈیلی پاکستان آن لائن) امریکہ میں مقیم معروف پاکستانی نژاد بزنس مین تنویر احمد نے اسلام آباد میں ہونے والے خودکش بم حملے کی شدید الفاظ میں مذمت کرتے ہوئے کہا ہے کہ دہشت گردی عالمی امن کے لیے سب سے بڑا خطرہ ہے، جس کا نشانہ صرف ایک ملک نہیں بلکہ پوری انسانیت بنتی ہے۔

یہ بھی پڑھیں: پاکستان کی چین میں قائم بین الاقوامی ثالثی تنظیم میں بطور بانی رکن شمولیت

پاکستان کی کوششیں اور قربانیاں

تنویر احمد نے اپنے بیان میں کہا کہ پاکستان گزشتہ دو عشروں سے عالمی دہشت گردی کے خلاف سب سے آگے کی صف میں کھڑا ہے اور اس جنگ میں افواج پاکستان، پولیس اور سیکیورٹی اداروں نے بے شمار قربانیاں دے کر دنیا کو یہ پیغام دیا ہے کہ پاکستانی قوم امن کی علمبردار ہے۔

یہ بھی پڑھیں: سٹاک مارکیٹ میں نئی تاریخ رقم! ایک لاکھ 70 ہزار پوائنٹس کی حد بھی عبور

دہشت گردی اور عالمی ذمہ داری

تنویر احمد نے کہا کہ دنیا کو اب یہ تسلیم کرنا ہوگا کہ دہشت گردی کسی مذہب، مسلک یا خطے کی پیداوار نہیں بلکہ یہ ان قوتوں کا ہتھیار ہے جو افراتفری اور انتشار پھیلانا چاہتی ہیں۔ ان کے بقول، دہشت گردی کا کوئی مذہب نہیں ہے، کوئی ایمان نہیں ہے، جو انسانیت کا خون بہائے، وہ انسان کہلانے کا بھی حقدار نہیں۔ انہوں نے عالمی برادری سے مطالبہ کیا کہ وہ پاکستان کے ساتھ کھڑی ہو، کیونکہ یہ صرف ایک ملک نہیں بلکہ پوری دنیا کے امن کا مقدمہ ہے۔

دہشت گردی کی لہر اور دعائیں

تنویر احمد نے کہا کہ دہشت گردی کی حالیہ لہر کے پیچھے جو ہاتھ کارفرما ہیں، ان کو بین الاقوامی سطح پر بے نقاب کرنا ناگزیر ہے۔ انہوں نے دھماکے میں جاں بحق ہونے والے شہریوں کے اہل خانہ سے دلی ہمدردی کا اظہار کرتے ہوئے کہا کہ پاکستانی قوم ہمیشہ کی طرح ایک بار پھر متحد ہوکر اس چیلنج کا مقابلہ کرے گی۔ انہوں نے شہداء کے بلند درجات اور زخمیوں کی جلد صحت یابی کے لیے دعا کی۔