کراچی میں جرائم کی روک تھام کے لیے نصب سیف سٹی سسٹم کے آلات بھی چوری ہو گئے

سیف سٹی سسٹم کے آلات کی چوری

کراچی (ڈیلی پاکستان آن لائن) شہر قائد میں جرائم کی روک تھام کے لیے نصب سیف سٹی سسٹم کے آلات چوروں کے نشانے پر آگئے ہیں۔

یہ بھی پڑھیں: پنجاب کیلئے بڑاعالمی اعزاز، سال 2027 ء کیلئے لاہور ”ای سی او“ کا سیاحتی دارالحکومت نامزد

چوری کا واقعہ

ڈی جی سیف سٹی پروجیکٹ آصف اعجاز شیخ کے مطابق بلاول ہاؤس چورنگی کے قریب کیمروں کے لیے لگایا گیا ڈسٹری بیوشن بکس چوری کرلیا گیا ہے، جس کی مالیت لاکھوں روپے ہے۔ بکس چوری ہونے کے بعد متعلقہ کیمرے بند ہوگئے ہیں۔ مزید نقصان سے بچانے کے لیے ان کیمروں کو کھمبوں سے اتار کر محفوظ کرلیا گیا ہے۔

حکام کا ردعمل

انہوں نے مزید کہا کہ سیف سٹی پروجیکٹ کے قیمتی آلات کی چوری تشویشناک ہے، جو شہر کے سکیورٹی مانیٹرنگ سسٹم پر اثر انداز ہو سکتی ہے۔ پولیس کو ہدایت کی گئی ہے کہ واقعے کی تحقیقات کی جائیں اور مستقبل میں اس طرح کے واقعات کی روک تھام کے لیے حفاظتی اقدامات مزید مؤثر بنائے جائیں۔