قومی اسمبلی نے 27ویں آئینی ترمیم کے بعد آرمی ایکٹ 2025 کی منظوری دے دی، آرمی چیف کا بطور چیف آف ڈیفنس نیا نوٹیفیکیشن جاری ہوگا، نئے نوٹیفیکیشن کے بعد آرمی چیف کی مدت دوبارہ سے شروع ہو گی۔

آرمی ایکٹ 2025 کی منظوری

اسلام آباد (ڈیلی پاکستان آن لائن) قومی اسمبلی نے 27 ویں آئینی ترمیم کے بعد آرمی ایکٹ 2025 کی منظوری دے دی۔ مجوزہ آرمی ایکٹ کے تحت آرمی چیف کا بطور چیف آف ڈیفنس فورسز نیا نوٹی فکیشن جاری ہو گا۔

یہ بھی پڑھیں: اسلام آباد: عدالت کا پولن الرجی والے درخت کاٹنے کا حکم، ٹھیکیدار نے تمام درخت کاٹ ڈالے

آرمی چیف کی نئی مدت

مجوزہ آرمی ایکٹ میں کہا گیا کہ نئے نوٹی فکیشن کے بعد آرمی چیف کی مدت دوبارہ سے شروع ہوگی۔ آرمی چیف، چیف آف ڈیفنس پاک فوج کے تمام شعبوں کی ری اسٹرکچرنگ اور انضمام کریں گے۔

یہ بھی پڑھیں: 27ویں آئینی ترمیم میں جسٹس منصور علی شاہ، جسٹس منیب اختر، جسٹس عائشہ ملک اور جسٹس اطہر من اللہ کو گھر بھیجنے کا جال تیار کر لیا گیا ہے، صحافی مطیع اللہ جان

کمانڈر نیشنل اسٹریٹیجک کمانڈ کا انتخاب

مجوزہ آرمی ایکٹ کے مطابق وزیراعظم آرمی چیف، چیف آف ڈیفنس کی سفارش پر کمانڈر نیشنل اسٹریٹیجک کمانڈ تعینات کریں گے۔ اس ایکٹ میں کہا گیا کہ کمانڈر نیشنل اسٹریٹیجک کمانڈ کی مدت ملازمت 3 سال ہو گی اور اُنہیں تین سال کے لیے دوبارہ تعینات کیا جا سکے گا۔

یہ بھی پڑھیں: ایف آئی اے نے پشاور میں جعلی کرنسی اسمگل کرنے والے 2 ملزمان کو گرفتار کرلیا

وزیر قانون کی وضاحتیں

وزیر قانون اعظم نذیر تارڑ نے کہا کہ آرمی چیف اب چیف آف ڈیفنس فورسز بھی ہوں گے، عہدے کی مدت 5 سال ہو گی۔ وزیراعظم چیف آف ڈیفنس فورسز کی تعیناتی کریں گے اور ان کی تقرری کی مدت اس دن سے شروع ہوگی جب تعیناتی ہوگی۔ اعظم نذیر نے مزید کہا کہ قانون نے وضاحت کی ہے کہ چیف آف ڈیفنس کا عہدہ اپوائنٹمنٹ سے 5 سال کا ہوگا۔

چیئرمین جوائنٹ چیفس آف اسٹاف کمیٹی

وزیر قانون نے کہا کہ چیئرمین جوائنٹ چیفس آف اسٹاف کمیٹی کا عہدہ ختم کردیا گیا ہے۔