شادی کی ایکسپائری ڈیٹ ہونی چاہیے، کاجول کے بیان کے بعد اجے کا بیان وائرل

کاجول کے شادی سے متعلق بیان پر اجے دیوگن کا ردعمل

ممبئی(ڈیلی پاکستان آن لائن) بالی ووڈ سپر سٹار کاجول کے شادی سے متعلق دیئے گئے بیان پر ان کے شوہر اجے دیوگن کا ردعمل آگیا۔

یہ بھی پڑھیں: بھارتی اداکار گوندا کی اپنے بھانجے کرشنا ابھیشیک سے 7سال بعد صلح ہو گئی

محبت کے بدلتے نظریے

کاجول نے ایک یوٹیوب چینل پر گفتگو کے دوران محبت کے بدلتے نظریے اور نئے دور کے رشتوں پر کھل کر اپنے خیالات کا اظہار کیا۔

یہ بھی پڑھیں: جنگ بندی کی پیشکش پر حماس کا ردعمل ناقابل قبول ہے: امریکہ

تجدید اور ایکسپائری کا آپشن

ٹوئنکل کھنہ نے کاجول سے پوچھا تھا کہ کیا شادی کی کوئی ایکسپائری اور تجدید کا آپشن ہونا چاہیے؟ اس پر کاجول نے اتفاق کیا جب کہ ٹوئنکل کھنہ، وکی کوشل اور کریتی سینن نے اس بات سے اختلاف کیا۔

کاجول نے وضاحت کرتے ہوئے کہا کہ میں بالکل ایسا ہی سمجھتی ہوں، آخر کیا ضمانت ہے کہ آپ صحیح وقت پر صحیح شخص سے شادی کریں گے؟ تجدید کا آپشن ہونا منطقی بات ہے اور اگر ایکسپائری ڈیٹ ہو تو کوئی زیادہ دیر تک تکلیف نہیں برداشت کرے گا۔

یہ بھی پڑھیں: جنگ میں بھارت کو کم ازکم 3 ارب ڈالر کا نقصان ہوا، اسحاق ڈار

اجے دیوگن کا نقطہ نظر

بعد ازاں اجے دیوگن نے ایک الگ انٹرویو میں کہا کہ میرے خیال میں محبت کے معنی وقت گزرنے کے ساتھ بدل گئے ہیں، اب یہ ایک معمولی اور عام سی چیز بن گئی ہے، اب محبت پہلے جیسی نہیں رہی، لفظ محبت یا آئی لو یو اتنا زیادہ اور بے مقصد استعمال ہونے لگا ہے کہ اس کا مطلب ہی کھوگیا ہے، ہمارے عہد میں آئی لو یو کہنا ایک بہت بڑی بات ہوتی تھی، اب لوگ اس لفظ کی گہرائی کو نہیں سمجھتے۔

یہ بھی پڑھیں: جن لاپتہ افراد کی گمشدگی کے مقدمات درج ہو چکے پولیس رپورٹس پیش کرے،سندھ ہائیکورٹ

معاشرتی تبدیلی کا اثر

اداکار آر مادھوون نے ان سے اتفاق کیا اور کہا کہ ماضی کی جنریشن محبت کو عظیم خلوص سمجھا کرتی تھی، یہاں تک کہ جب ہم ایک کارڈ پر سائن کرتے تو اسے بہت سنجیدگی سے لیتے تھے، اس پر اجے دیوگن نے کہا کہ اب تو ہر میسیج پر ہارٹ ایموجی یا اس کا اختتام لو پر ہوتا ہے۔

کاجول اور اجے دیوگن کی محبت کی داستان

واضح رہے کہ کاجول اور اجے دیوگن کی پہلی ملاقات 1995 کی فلم ہلچل کے سیٹ پر ہوئی جس کے 4 سال بعد دونوں نے شادی کر لی۔