انکی غداری سے پوری قوم آگاہ ہے

رؤف حسن کا بیان

اسلام آباد (ڈیلی پاکستان آن لائن) پاکستان تحریکِ انصاف (پی ٹی آئی) کے رہنما سابق ترجمان رؤف حسن نے 3 سابق رہنماؤں کی ویڈیو شیئر کی اور کہا ہے کہ ان کی غداری سے پوری قوم آگاہ ہے۔ 3 کے گمراہ ٹولے کی بے وفائی اور غداری سے پوری قوم آگاہ ہے، یہ سب کو پوری طرح یاد بھی ہے۔

یہ بھی پڑھیں: ستاروں کی روشنی میں آپ کا آج (ہفتہ) کا دن کیسا رہے گا؟

سیاسی جنازے کا ذکر

’’جنگ‘‘ کے مطابق رؤف حسن نے کہا کہ آج یہ رہنما سیاسی جنازے بن چکے ہیں، جو کشکول لے کر پی ٹی آئی کے در پر بیٹھے بھیک مانگ رہے ہیں۔ تحریکِ انصاف میں ان سابق رہنماؤں کے لیے کوئی گنجائش نہیں، ان کا انجام طے ہو چکا۔

سوشل میڈیا پر ویڈیو شیئرنگ

رؤف حسن نے فواد چوہدری، عمران اسماعیل اور محمود مولوی کی ویڈیو بھی سوشل میڈیا پر شیئر کی ہے۔ شاہ محمود قریشی سے کچھ دن پہلے تینوں سابق رہنماؤں نے لاہور کے اسپتال میں ملاقات کی تھی۔