آرمینیا کو شکست، پرتگال نے فیفا ورلڈکپ 2026 کیلئے کوالیفائی کرلیا

پرتگال کی شاندار کامیابی

لزبن (آئی این پی) پرتگال نے آرمینیا کو شکست دے کر فیفا ورلڈ کپ 2026 کے لیے کوالیفائی کرلیا۔ کرسٹیانو رونالڈو کی غیر موجودگی میں پرتگال نے آرمینیا کو 1-9 سے شکست دے کر کوالیفائنگ راؤنڈ کے گروپ میں پہلی پوزیشن حاصل کی اور ورلڈ کپ میں اپنی جگہ پکی کرلی۔

یہ بھی پڑھیں: چاچا نے دراصل گالیاں کیوں نکالیں؟ منظرعام پر آگئے، خود ہی اصل وجہ بتا دی

برونو فرنینڈس اور جواو نیویس کی شاندار کارکردگی

پرتگال کی جانب سے برونو فرنینڈس اور جواو نیویس نے ہیٹ ٹرک اسکور کرکے اپنی ٹیم کو گروپ ایف سے براہ راست ورلڈ کپ کے لیے کوالیفائی کرنے میں مدد دی۔ پرتگال کو جمعرات کو آئرلینڈ سے 0-2 کی شکست کا سامنا کرنا پڑا تھا اور اس میچ میں کپتان رونالڈو کو ریڈ کارڈ ملنے پر میدان سے باہر بھیج دیا گیا تھا، جس کے نتیجہ میں وہ آرمینیا کے خلاف میچ میں شرکت نہیں کرسکے۔ تاہم ٹیم کی جیت پر رونالڈو نے سوشل میڈیا پر بیان جاری کرتے ہوئے کہا کہ "ہم ورلڈ کپ میں پہنچ گئے! چلو پرتگال!"

ورلڈ کپ کی میزبانی

واضح رہے کہ فٹبال ورلڈ کپ اگلے برس امریکا، کینیڈا اور میکسیکو میں ہوگا جس میں 48 ٹیمیں شرکت کریں گی۔ پرتگال نے مجموعی طور پر 9 ویں اور مسلسل 7 ویں مرتبہ فیفا ورلڈ کپ کے لیے کوالیفائی کیا ہے۔