سابق کپتان اظہر علی نے پی سی بی سے اختلاف پر سیلیکشن کمیٹی سے استعفیٰ دے دیا

اظہر علی کا سیلیکشن کمیٹی سے استعفیٰ

لاہور(ڈیلی پاکستان آن لائن) سابق ٹیسٹ کرکٹر اور کپتان اظہر علی نے پاکستان کرکٹ بورڈ (پی سی بی) سے اختلافات کے باعث سیلیکشن کمیٹی سے استعفیٰ دے دیا ہے۔ ڈان نیوز کے مطابق سابق کپتان اظہر علی نے اپنا استعفیٰ پی سی بی کو بھیجوا دیا جو قبول کیے جانے کا امکان ہے۔

یہ بھی پڑھیں: ستاروں کی روشنی میں آپ کا آج (منگل) کا دن کیسا رہے گا ؟

سیلیکشن کمیٹی میں کردار

سابق کپتان نے بطور ممبر سیلیکشن کمیٹی اور ہیڈ آف یوتھ پروگرام کام کر رہے تھے۔ ذرائع کے مطابق سابق کپتان سرفراز احمد کو انڈر 19 ٹیم کا انچارج بنائے جانے کے بعد اظہر علی کے اختیارات محدود ہوگئے تھے۔

سرفراز احمد کی تقرری

واضح رہے کہ پاکستان کرکٹ بورڈ نے کچھ روز قبل سرفراز احمد کو پاکستان شاہینز اور انڈر 19 ٹیم کی ذمہ داریاں سونپ دی تھیں۔ اظہر علی اکتوبر 2024 سے سلیکشن کمیٹی کے رکن کی حیثیت سے پی سی بی کے ساتھ کام کر رہے تھے۔