2050 میں شاید کوئی شاہ رخ خان کو جانتا بھی نہیں ہوگا، ویویک اوبرائے

ویویک اوبرائے کا بیان

ممبئی (ڈیلی پاکستان آن لائن) بالی ووڈ اداکار ویویک اوبرائے نے کہا کہ 25 سال بعد، 2050 میں، شاید کوئی بھی شاہ رخ خان کو نہیں جانتا ہوگا اور لوگ پوچھیں گے، "کون شاہ رخ خان؟" انہوں نے یہ خیالات اسٹارڈم (شہرت کی بلندی) کے حوالے سے اظہار خیال کرتے ہوئے پیش کیے، اور کہا کہ تاریخ عظیم ستاروں کو بھی گمنامی اور بے وقعتی کے دائرے میں دھکیل دیتی ہے۔

شہرت کی ناپائیداری

ایک بھارتی میڈیا ادارے سے گفتگو کرتے ہوئے 49 سالہ ویویک اوبرائے نے کہا کہ آنے والی نسلیں شاید شاہ رخ خان کے نام سے بھی واقف نہیں ہوں گی۔ انہوں نے مزید کہا کہ اگر آج 1960 کی دہائی کی کسی فلم یا اس کے اداکار کے بارے میں پوچھا جائے، تو اکثر لوگ نہیں جانتے۔ تاریخ کا حصہ بننا ناگزیر ہے اور 2050 میں لوگ شاید یہ پوچھیں گے کہ "کون شاہ رخ خان؟"