دبئی ایئر شو 2025 میں دوست ملک کے ساتھ جے ایف 17 تھنڈر کی فروخت کے ایم او یو پر دستخط
دبئی ایئر شو 2025 میں جے ایف7 تھنڈر کی دلچسپی
دبئی (ڈیلی پاکستان آن لائن) دبئی ایئر شو 2025 میں کئی ممالک نے جے ایف7 تھنڈر کے حصول میں دلچسپی کا اظہار کیا جبکہ ایک دوست ملک کے ساتھ جے ایف7 تھنڈر کی خریداری کے لیے مفاہمتی یادداشت پر دستخط کیے گئے۔
یہ بھی پڑھیں: ہر تازہ سیاسی، قانونی مسئلے کو بار کے اجلاسوں میں اٹھا دینا گویا اپنے اْوپر لازم کررکھا تھا، یوں وکلاء کو مجبور کرتے کہ قومی مسائل پر غور و فکر کریں
پاک فضائیہ کی اعلیٰ سطح کی ملاقاتیں
پاک فوج کے شعبہ تعلقات عامہ (آئی ایس پی آر) کے مطابق، سربراہ پاک فضائیہ ایئر چیف مارشل ظہیر احمد بابر سدھو نے دبئی ایئر شو 2025 کے موقع پر دوست ممالک کی فضائی افواج کے سربراہان کے ساتھ اعلیٰ سطح کی ملاقاتوں کا سلسلہ جاری رکھا۔ دورے کے دوران چیف آف دی ایئر اسٹاف نے یو اے ای کے انڈر سیکریٹری آف ڈیفنس لیفٹیننٹ جنرل پائلٹ ابراہیم ناصر العلاوی اور کمانڈر یو اے ای ایئر فورس اینڈ ایئر ڈیفنس میجر جنرل راشد محمد الشمسی کے ساتھ بھی جامع مذاکرات کیے۔
یہ بھی پڑھیں: ڈیرہ اسماعیل خان: سیکیورٹی فورسز کا خفیہ اطلاع پر آپریشن، 4 خوارج ہلاک، ایک جوان شہید
مفاہمتی یادداشت اور دفاعی شراکت داری
پاک فوج کے شعبہ تعلقات عامہ کے مطابق، ایک اہم پیشرفت میں ایک دوست ملک کے ساتھ جے ایف7 تھنڈر کی خریداری کے لیے مفاہمتی یادداشت پر دستخط کیے گئے، جو پاکستان کی بڑھتی ہوئی دفاعی اور صنعتی شراکت داریوں میں ایک اور اہم سنگِ میل ہے۔
یہ بھی پڑھیں: بھارت میں مودی سرکار کی مسلمانوں کی متعصبانہ پالیسیاں برقرار، رواں سال 15 مساجد کو مسمار کرنے کا حکم
جدید تربیت اور ایروسپیس ٹیکنالوجیز میں تعاون
مذاکرات میں جدید تربیت میں تعاون کو مضبوط بنانے، ابھرتی ہوئی ایروسپیس ٹیکنالوجیز میں شراکت داری کو فروغ دینے، اور مؤثر عملی رابطہ کاری کے طریقہ کار کو بہتر بنانے پر توجہ مرکوز کی گئی۔ اس موقع پر یو اے ای کی عسکری قیادت نے پاکستان ایئر فورس کی جدید کاری کی کوششوں اور بڑھتی ہوئی ملکی صلاحیتوں کو سراہا اور مشترکہ مشقوں، پیشہ ورانہ تبادلوں اور مستقبل بین شراکت داریوں کے ذریعے عسکری تعاون کو مزید مضبوط بنانے کے عزم کا اظہار کیا۔
بین الاقوامی اعتماد اور جے ایف7 تھنڈر
آئی ایس پی آر کے مطابق، پاکستان کی ہوابازی کی صنعت پر بڑھتے ہوئے بین الاقوامی اعتماد کا مظہر یہ ہے کہ کئی ممالک نے جے ایف7 تھنڈر کے حصول میں دلچسپی کا اظہار کیا۔
