وزیر خارجہ اسحاق ڈار کی جرمن ہم منصب سے ملاقات

ملاقات کا پس منظر

برسلز ( ڈیلی پاکستان آن لائن ) نائب وزیرِ اعظم و وزیر خارجہ اسحاق ڈار کی جرمن وزیرِ خارجہ یوہان واڈے فُل سے برسلز میں ملاقات ہوئی۔

یہ بھی پڑھیں: معروف ڈیزائنر ماریہ بی نے ریحام خان کو آڑے ہاتھوں لے لیا

تعلقات میں مثبت رحجان

ترجمان دفترِ خارجہ کے مطابق، دونوں رہنماؤں کی ملاقات کے دوران پاکستان اور جرمنی کے تعلقات کے مثبت رحجان پر اطمینان کا اظہار کیا گیا۔ ملاقات کے دوران دفاع، سیاسی، معاشی، تجارت، سرمایہ کاری اور تعلیمی شعبوں میں تعاون مزید بڑھانے کے عزم کا اعادہ بھی کیا گیا۔

یہ بھی پڑھیں: سیلابی صورتحال، تھیم پارک سوسائٹی کے متاثرین کی عارضی خیمہ بستی میں آباد خاندان کے ہاں 8ویں بچے کی پیدائش

علاقائی و عالمی امور پر گفتگو

دونوں وزرائے خارجہ نے علاقائی وعالمی امور پر تبادلۂ خیال کیا اور تعاون جاری رکھنے پر اتفاق کیا۔

مالی معاونت کی تعریف

’’جنگ‘‘ کے مطابق نائب وزیرِ اعظم نے پاکستان کے لیے جرمنی کی 114 ملین یورو کی معاونت کو سراہا، معاونت کا محور ماحولیات، توانائی ٹرانزیشن، پائیدار معاشی ترقی، ووکیشنل ٹریننگ اور سماجی تحفظ ہے۔ اسحاق ڈار نے جرمن قیادت کو پاکستان کے دورے کی دعوت بھی دی۔