وزیراعلیٰ مریم نواز سے فلپائن کے سفیر ڈاکٹر ایمینوئیل آر فرنینڈز کی ملاقات، پنجاب میں سرمایہ کاری کی پیشکش

ملاقات کا عمومی جائزہ

لاہور (ڈیلی پاکستان آن لائن) وزیراعلیٰ پنجاب مریم نواز سے فلپائن کے سفیر ڈاکٹر ایمینوئیل آر فرنینڈز نے ملاقات کی۔ ملاقات میں دوطرفہ تعلقات، سرمایہ کاری، موسمیاتی تبدیلی، دفاعی تعاون اور عوامی روابط پر تفصیلی تبادلۂ خیال کیا گیا۔ اس موقع پر سیاسی، آئینی اور پارلیمانی تعاون پر بھی گفتگو کی گئی۔ ملاقات میں فلپائن اور پنجاب کے مابین اشتراک کار مزید مضبوط بنانے پر اتفاق کیا گیا۔

یہ بھی پڑھیں: دشمن پراکسیز کے ذریعے اندرونی کمزوریوں کو استعمال کر رہے ہیں، فیلڈ مارشل عاصم منیر

سرمایہ کاری کی پیشکش

وزیراعلیٰ مریم نواز نے فلپائنی سرمایہ کاروں کو پنجاب میں سرمایہ کاری کی پیشکش، مکمل تعاون اور سہولیات کی یقین دہانی کرائی۔ وزیر اعلیٰ نے فلپائن کو 2026ء کی آسیان چیئرمین شپ کے لیے مبارکباد بھی دی۔ وزیر اعلیٰ نے فلپائن میں حالیہ زلزلوں اور طوفان سے انسانی جانوں کے ضیاع پر تعزیت کا اظہار کیا اور کہا کہ پاکستان دکھ کی اس گھڑی میں فلپائن کے عوام کے ساتھ کھڑا ہے۔ فلڈز اور ٹائفونز نے پاکستان اور فلپائن دونوں کو یکساں طور پر متاثر کیا ہے۔

یہ بھی پڑھیں: آدھے تمھارے آدھے میرے

دوستی اور اشتراک کار

وزیراعلیٰ مریم نواز نے کہا کہ پاکستان اور فلپائن کے درمیان دوستی 76 برسوں پر محیط ایک مضبوط اور باوقار رشتہ ہے۔ لاہور اور پنجاب کی سرزمین ہمیشہ دوست ممالک کیلئے کھلے رکھتی ہے۔ پاکستان اور فلپائن کے درمیان روحانی و تہذیبی اقدار، امن، انسانیت اور ہم آہنگی ہمارا مشترکہ ورثہ ہیں۔ دونوں ممالک کے مابین 25 ایم او یوز اور 2022 کے دفاعی تعاون کا معاہدہ تعلقات کو ایک نئی جہت دے رہا ہے۔ لوس اینڈ ڈیمج فنڈ کی تشکیل میں پاکستان اور فلپائن کا کردار قابلِ فخر ہے۔

یہ بھی پڑھیں: بین الاقوامی طلباء نے ڈریگن کشتی مقابلے کے ذریعے چینی ثقافت کو اپنالیا

پنجاب کی معاشی اہمیت

وزیراعلیٰ مریم نواز نے کہا کہ فلپائن کی ڈیزاسٹر مینجمنٹ مہارت سے پنجاب ادارہ جاتی تبادلوں کے ذریعے استفادہ کرنا چاہتا ہے۔ پاکستان پائیدار امن اور ڈی ریڈیکلائزیشن کے اقدامات کی مکمل حمایت کرتا ہے۔ پنجاب، پاکستان کی معاشی ریڑھ کی ہڈی ہے، 60 فیصد قومی جی ڈی پی اسی صوبے سے بنتی ہے۔ آئی ٹی، توانائی، زراعت، فوڈ پروسیسنگ، فارماسیوٹیکل، آٹو پارٹس، لاجسٹکس اور کنسٹرکشن سیکٹر میں وسیع مواقع موجود ہیں۔ ایس آئی ایف سی اور پی بی آئی ٹی سرمایہ کاروں کو ون ونڈو سہولت اور پالیسی استحکام فراہم کر رہے ہیں۔

کثیرالجہتی تعاون

وزیراعلیٰ مریم نواز نے کہا کہ پنجاب کے سپیشل اکنامک زونز میں عالمی معیار کا انفراسٹرکچر، ٹیکس مراعات اور کسٹمز سہولتیں میسر ہیں۔ پاکستان دفاعی تربیت، جوائنٹ مشقوں، انسدادِ دہشت گردی اور انٹیلی جنس شیئرنگ کے شعبوں میں مزید تعاون بڑھانے کے لیے تیار ہے۔ ہزاروں فلپائنی پاکستان میں اور بڑی تعداد میں پاکستانی فلپائن میں رہتے ہیں جو باہمی دوستی کو مضبوط بناتے ہیں۔ لاہور کا یونیسکو کرییٹیو سٹی اور ای سی او ٹورازم کیپیٹل 2027 کا اعزاز ثقافتی اور سیاحتی تعاون کے نئے دروازے کھولے گا۔ پاکستان اور فلپائن دوستی، اعتماد اور مشترکہ اقدار پر قائم رشتے کو مزید مضبوط بنانے کیلئے پرعزم ہیں۔ پنجاب ہر شعبے میں باہمی شراکت داری کو نئی بلندیوں تک لے جانے کے لئے پرعزم ہے۔