ایشیا کپ رائزنگ اسٹارز، سیمی فائنل میں پاکستان شاہینز نے سری لنکا اے کو شکست دے کر فائنل میں جگہ بنا لی

پاکستان شاہینز نے فائنل میں جگہ بنائی

دوحہ (ڈیلی پاکستان آن لائن) ایشیا کپ رائزنگ اسٹارز کے سیمی فائنل میں پاکستان شاہینز نے سری لنکا اے کو شکست دے کر فائنل میں جگہ بنا لی۔ دوحہ میں کھیلے گئے میچ میں پاکستان نے پہلے بیٹنگ کرتے ہوئے 20 اوورز میں نو وکٹوں پر 153 رنز بنائے، جس کے جواب میں سری لنکا اے ہدف کے تعاقب میں 148 رنز تک ہی پہنچ سکی اور نو وکٹوں کے نقصان پر میچ ختم ہوا۔

یہ بھی پڑھیں: سول نافرمانی کے کوئی آثار نظر نہیں آرہے: وزیر دفاع خواجہ آصف

پاکستانی بیٹنگ کی کارکردگی

ویسٹ اینڈ پارک انٹرنیشنل کرکٹ اسٹیڈیم میں ٹاس جیت کر سری لنکا اے نے پاکستان کو بیٹنگ کا موقع دیا۔ پاکستان کی اننگز میں غازی غوری نے 39، معاذ صداقت نے 23، احمد دانیال اور سعد مسعود نے 22، محمد نعیم نے 16 رنز اسکور کیے۔ دیگر بلے باز کم اسکور پر آؤٹ ہوئے جبکہ سفیان مقیم ایک رن بنا کر ناٹ آؤٹ رہے۔

یہ بھی پڑھیں: ذوالفقار بھٹو کیس میں فیئر ٹرائل کے تقاضوں کو پورا نہیں کیا گیا: چیف جسٹس کا اضافی نوٹ

سری لنکا کی بولنگ کی کارکردگی

سری لنکا کی جانب سے پرامود مدوشان نے بہترین بولنگ کرتے ہوئے چار وکٹیں حاصل کیں، جبکہ تراوین میتھیو نے تین شکار کیے۔

یہ بھی پڑھیں: یہ ایک لڑکی ہے جس کے بالوں کا رنگ تمہارے جیسا ہے: اپنی بیٹی کو مار کر بوائے فرینڈ کو میسج کرنے والی لڑکی کی کہانی

سری لنکا اے کی بیٹنگ میں ناکامی

ہدف کے تعاقب میں سری لنکا اے کی بیٹنگ میں ملن رتنائیکے 40 رنز کے ساتھ نمایاں رہے، وشن ہلمباگے نے 29 اور لستھ کروسپولے نے 27 رنز بنائے۔ تاہم پاکستانی بولرز نے دباؤ برقرار رکھا۔ سفیان مقیم اور سعد مسعود نے تین تین وکٹیں لیں جبکہ احمد دانیال، عبید شاہ اور شاہد عزیز نے ایک ایک کھلاڑی کو آؤٹ کیا۔

فائنل کا منظر

واضح رہے کہ بنگلہ دیش اے پہلے ہی بھارت کو شکست دے کر فائنل میں پہنچ چکا ہے۔ فیصلہ کن معرکہ اتوار کو پاکستان شاہینز اور بنگلہ دیش اے کے درمیان کھیلا جائے گا。