فیصل آباد، فیکٹری میں دھماکا کیسے ہوا؟ رپورٹ سامنے آگئی

فیصل آباد (ڈیلی پاکستان آن لائن) فیصل آباد کے علاقے ملک پور میں فیکٹری دھماکے کی ابتدائی رپورٹ جاری کردی گئی۔

انکوائری کمیٹی کی تشکیل

پنجاب حکومت کی بنائی 4 رکنی انکوائری کمیٹی نے رپورٹ مکمل کی۔ رپورٹ کے مطابق فیکٹری میں زیادہ آتش گیر مادہ کا ذخیرہ بہت زیادہ تھا۔ بے احتیاطی اور غیر تربیت یافتہ سٹاف کی وجہ سے دھماکہ ہوا۔

دھماکے کی وجوہات

رپورٹ کے مطابق گیلو بنانے والی فیکٹری میں بوائلر موجود نہیں تھا، فیکٹری میں مختلف کیمیکلز کا استعمال کیا جاتا تھا۔ سلنڈر گیس لیکج، شارٹ سرکٹ اور کیمیکل مواد پھٹنے سے زوردار دھماکہ ہوا۔ دھماکے سے قریبی عمارتوں کو بھی نقصان پہنچا۔

انکوائری کا عمل

رپورٹ میں مزید کہا گیا ہے کہ کمپنی مالک نہ ملنے کی وجہ سے اس کا بیان نہیں لیا جا سکا، انکوائری کمیٹی ممبران میں چیف بوائلر انسپکٹر پنجاب، ڈی او انڈسٹری، چیف انسپکٹر بوائلر اور فیصل آباد بوائلر انجینئر شامل ہیں۔ انکوائری کمیٹی ممبران نے گزشتہ روز جائے حادثہ کا وزٹ کیا تھا۔

دھماکے کے نقصانات

یاد رہے کہ گزشتہ روز فیصل آباد میں کیمیکل فیکٹری میں بوائلر پھٹنے سے بچوں اور خواتین سمیت 20 افراد جاں بحق اور 7 زخمی ہوگئے، جبکہ دھماکے کے باعث متعدد گھروں کی چھتیں بھی گر گئیں۔