صوبے میں نچلے لیول پر کرپشن کا مکمل کنٹرول، مگر اب اعلیٰ سطح پر ممکن نہیں: مریم نواز شریف

مریم نواز شریف کا کرپشن کے خاتمے کا عزم

لاہور (ڈیلی پاکستان آن لائن) وزیراعلیٰ پنجاب مریم نواز شریف نے کہا ہے کہ صوبے میں نچلے لیول پر کرپشن پوری طرح کنٹرول میں نہیں ہے مگر اب ٹاپ لیول پر ممکن نہیں ہے۔

یہ بھی پڑھیں: متحدہ عرب امارات جانے کے خواہشمندوں کیلئے بڑی خوشخبری آ گئی

نیشنل سکیورٹی ورکشاپ کی ملاقات

وزیراعلیٰ پنجاب مریم نواز شریف سے نیشنل ڈیفنس سکیورٹی کی 27ویں نیشنل سکیورٹی کے شرکاء نے ملاقات کی۔ وزیراعلیٰ مریم نواز نے نیشنل سکیورٹی ورکشاپ کے شرکاء کو حکومت پنجاب کے عوامی فلاح وبہبود کے منصوبوں اور اقدامات سے آگاہ کیا۔ نیشنل سکیورٹی ورکشاپ کے شرکاء نے حکومت پنجاب کے فلاحی اقدامات کو سراہا۔ وزیر اعلیٰ پنجاب نے کہا کہ آپریشن "بنیان مرصوص" میں کامیابی کے بعد پاکستان دنیا میں ہر مقام پر سربلند ہے۔

یہ بھی پڑھیں: کبھی کبھی سپریم کورٹ کے ایک جملہ لکھنے سے 18،18سال کیسز چلتے رہتے ہیں،چیف جسٹس یحییٰ آفریدی کے کیس میں ریمارکس

سیلاب متاثرین کی مدد

مریم نواز شریف نے کہا کہ سیلاب کے اثرات کا سامنا کرنے والے نہ صرف لاکھوں افراد بلکہ مویشیوں کو بھی بچایا گیا اور بروقت طبی امداد سے متعدی امراض کے پھیلاؤ سے محفوظ رہے۔ انہوں نے کہاکہ پنجاب میں اسموگ کنٹرول کرنے کیلئے انتھک محنت کی گئی ہے۔ اسموگ گن سپرے، فصلوں کی باقیات جلانے پر کنٹرول اور دیگر اقدامات کی وجہ سے اسموگ کا اثر کم ہوا۔ سرحد پار سے فصلیں جلانے کے اثرات لاہور پر آتے ہیں۔

یہ بھی پڑھیں: عمران خان نے بچوں کو ذاتی طور پر لندن چھوڑنے کا فیصلہ کیا، وہ اس وقت جلا وطن یا عدالتی مجبور نہیں تھے، صحافی حسن ایوب کا قاسم خان کو جواب

غذائی نرخوں میں استحکام

مریم نواز شریف نے کہا کہ ووٹ نہ ملنے کا ڈر ہو تو کوئی اچھا کام نہیں کیا جا سکتا۔ تجاوزات اٹھانے پر لوگ ناراض بھی ہوئے، میرٹ کا نفاذ اور سفارش کی نفی ہمارا نصب العین ہے۔ گندم نہ خریدنے پر تنقید کا سامنا کرنا پڑا، پنجاب واحد صوبہ ہے جہاں روٹی، آٹا اور گندم کے نرخ نہیں بڑھے۔

یہ بھی پڑھیں: پناہ گزینوں کی احتجاج میں شرکت، افغان سفارتخانے کا جواب آ گیا

مہنگائی میں کمی اور ترقیاتی منصوبے

مریم نواز شریف نے کہا کہ مہنگائی کی شرح 40 فیصد سے 4 فیصد تک آگئی۔ پنجاب میں 30 ہزار کلو میٹر طویل 1650 روڈز بن رہی ہیں اور ای ٹینڈرنگ کے ذریعے اربوں روپے بچائے۔ سپیشل افراد کیلئے ہر ای بس میں وہیل چیئر بھی مہیا کررہے ہیں۔

یہ بھی پڑھیں: تم اچھے ہمسائے بنو

صحت کے شعبے میں جدید اقدامات

انہوں نے کہا کہ پنجاب میں بہترین اور جدید برن ہسپتال اور آرتھوپیڈک ہسپتال بنا رہے ہیں، پاکستان کا پہلا سرکاری کینسر ہسپتال بنے گا۔ ہارٹ سرجری کے منتظر 15 ہزار بچوں کیلئے ہارٹ سرجری کارڈ پراجیکٹ شروع کیا، 7000 ہارٹ سرجریز ہو چکی ہیں۔

یہ بھی پڑھیں: تجارتی خسارہ بڑھنے کے باوجود اپریل میں ملکی کرنٹ اکاؤنٹ سرپلس ریکارڈ

بجلی کی پیداواری صلاحیت

پاکستان بھر کے بچوں کے علاج کیلئے ہزار بیڈ کا کارڈیالوجی ہسپتال بھی بنا رہے ہیں۔ وزیر اعلیٰ نے کہا کہ تندور جاکر روٹی چیک کرنے پر مذاق بنایا گیا مگر آفس سے نہ نکلوں تو حالات کا اندازہ کیسے ہو۔ کہتے تھے بیٹی آتی ہے تو گھر چمکاتی ہے، پنجاب میں دنیا کا سب سے بڑا ویسٹ مینجمنٹ پروگرام شروع کیا۔