شکاگو کی معروف شاعرہ طاہرہ ردا کے پہلے شعری مجموعے “تیرے نام کے سارے شعر” کی تقریب رونمائی
تقریب رونمائی کا آغاز
د بئی (طاہر منیر طاہر) عالمی ادبستان ادب شکاگو اور شکاگوشناسی فورم کے تحت شکاگو کی معروف شاعرہ، اینکر اور سوشل میڈیا ایکٹیویسٹ طاہرہ ردا کے شعری مجموعے "تیرے نام کے سارے شعر" کی تقریب رونمائی ہوئی۔
یہ بھی پڑھیں: سپریم کورٹ آئینی بینچ نے سابق چیف جسٹس جواد ایس خواجہ کو جرمانہ کر دیا
مہمان خصوصی کا خطاب
یہ تقریب اردو ادب کے عالمی شہرت یافتہ شاعر عباس تابش "سفیرِ عشق" کے ہاتھوں ہوئی۔ اس تقریب رونمائی میں امریکہ کی مختلف ریاستوں سے شعراء اور ادیبوں نے شرکت کی۔ شکاگو لینڈ کے دوستوں اور ریاست الیناۓ کے مختلف شہروں سے بھی بڑی تعداد میں شائقین ادب اور طاہرہ ردا کے دوستوں اور شعراء نے اس تقریب میں شرکت کی۔
یہ بھی پڑھیں: برازیل میں بزرگ خاتون کی جہاز کے کاک پٹ میں گھسنے کی کوشش، عملے کو ’مخصوص جگہ‘ پر مارنے کی دھمکیاں، ہنگامی صورتحال پیدا ہو گئی
شرکت اور استقبالیہ
طاہرہ ردا کی فیملی نے بھی بھرپور شرکت کی۔ تقریب کے میزبان پروفیسر مسرور قریشی نے تمام شرکاء کی آمد پر خوشی کا اظہار کرتے ہوئے شکریہ ادا کیا اور طاہرہ ردا کے شعری سفر پر ایک سیر حاصل مضمون پڑھا۔
یہ بھی پڑھیں: پنجاب میں ہزاروں خواتین کو مالی و معاشی سہارا فراہم کیا جا رہا ہے، صوبائی وزیر سہیل شوکت بٹ
معزز مہمانوں کا خیرمقدم
پروفیسر مسرور قریشی نے بیرون ریاست الیناۓ سے آنے والے شعراء و ادیبوں کا بھرپور شکریہ ادا کرتے ہوئے کہا کہ اردو کی محبت میں آپ کی آمد پر ہم سب آپ کے ممنون ہیں۔ پروگرام میں ڈاکٹر سعید پاشا اوہایو، مونا شہاب میری لینڈ، عتیق حیدر اوہانیو، اکرام بسرہ آئیوا، خرم سہیل اوہانیو، ڈاکٹر قطب الدین ابو شجاع انڈیانا سے تشریف لائے۔
یہ بھی پڑھیں: آواران میں سینئر صحافی لطیف بلوچ کو اپنے گھر میں قتل کردیا گیا
کتاب کی طباعت اور تعریف
کتاب کی طباعت عباس تابش کے ادارے عشق آباد سے ہوئی۔ انہوں نے طاہرہ کے شعری مجموعے کی طباعت کے مراحل بتاتے ہوئے طاہرہ ردا کے شعری کلام کے محاسن پر گفتگو کی اور ان کے شعروں پر داد دی۔
یہ بھی پڑھیں: آئین کی پاسداری کے لیے دو طریقہ کار ہیں، یا استعفیٰ دیا جائے، یا سسٹم میں رہ کر کوشش کی جائے، سینیٹر علی ظفر
شرکاء کی رائے اور تحائف
کتاب کی تقریب رونمائی کے دوران طاہرہ ردا کی شاعری اور شخصیت پر مختلف شعراء اور ادیبوں نے اظہار خیال کیا۔ شرکاء کی تواضع کے لیے ظہرانے کا اہتمام کیا گیا، جبکہ تقریب میں چائے اور دیگر لوازمات بھی موجود تھے۔ شرکاء کے مطابق یہ ایک بھرپور ادبی تقریب تھی اور منتظمین کو مبارکباد دی گئی۔
یہ بھی پڑھیں: مخصوص نشستوں کی تقسیم کے معاملے پر سماعت؛فریقین کے دلائل مکمل، الیکشن کمیشن نے فیصلہ محفوظ کرلیا
تقریب کے انتظامات
تقریب کے انتظامات مظہر عالم، اشرف خان، منظر عالم، محمد حسین، محمد مجید اللہ خان، شاہد خان اور دیگر ساتھیوں نے سنبھالے ہوئے تھے۔
اختتامی کلمات
تقریب میں مہمانِ خصوصی صحافی فرحت خان، شاہ رخ ویڈیو اور انصاری رضوی بھی شامل تھے۔ شرکاء کے مطابق شکاگو لینڈ میں یہ ایک شاندار اور یادگار تقریب تھی۔
