فیروز خان نے علیزے سے علیحدگی کے معاملے پر خاموشی توڑ دی

فیروز خان کی علیزے سلطان سے علیحدگی

لاہور (ویب ڈیسک) اداکار فیروز خان نے پہلی بار اپنی اور علیزے سلطان کی علیحدگی اور اس کی وجہ کے بارے میں بات کی ہے۔ علیزے سلطان نے گھریلو تشدد کا انکشاف کرتے ہوئے 2022 میں فیروز خان سے راہیں جدا کی تھیں، جس کے بعد اداکار نے جون 2024 میں ڈاکٹر زینب خان سے دوسری شادی کی۔

یہ بھی پڑھیں: سوشل میڈیا پر کونسی جماعت مؤثر ہے؟ انسٹیٹیوٹ فار پبلک اوپینین ریسرچ کی سروے رپورٹ آ گئی

نشست میں گفتگو

حال ہی میں فیروز خان نجی ٹی وی کے شو میں شریک ہوئے، جہاں انہوں نے سابق اہلیہ علیزے سلطان کے درمیان ہونے والی باتوں کے بارے میں گفتگو کی۔ فیروز خان نے بتایا کہ 'یہ کہانی بہت سادہ ہے، ایک لڑکی اور لڑکے میں تعلق تھا، جس میں اچھے اور برے دن آتے ہیں، پھر ہم دونوں کے لیے ایک دن بہت بُرا آیا'۔

یہ بھی پڑھیں: بھارت میں مشتعل ہجوم کے ہاتھوں 3 بنگلہ دیشیوں کا بہیمانہ قتل، ڈھاکہ کا رد عمل بھی آ گیا

الزامات اور خاموشی

انہوں نے وضاحت کی کہ جو کچھ بھی ہوا اس کے بعد علیزے ڈر گئی تھیں اور مجھے جھوٹے الزامات کا سامنا کرنا پڑا، جبکہ میں ایسا لڑکا نہیں ہوں، نہ کسی عورت سے نفرت کرتا ہوں اور نہ ہی کسی ایسے مرد کو پسند کرتا ہوں۔ انہوں نے مزید کہا کہ میں نے ہمیشہ اُسے عزت دی اور کبھی کسی بھی قسم کی طاقت کا استعمال نہیں کیا، اپنے اوپر لگنے والے الزامات پر خاموشی کو ترجیح دی۔

خاموشی کی طاقت

فیروز خان نے مزید کہا کہ خاموشی نے انہیں مضبوط کیا۔ اداکار نے یہ بھی کہا کہ کئی لوگوں نے مجھ سے کہا کہ اگر وہ میری جگہ ہوتے تو ختم ہوجاتے کیونکہ بہت زیادہ مشکلات کا سامنا تھا۔