صدر آصف زرداری نے زندگی میں تقریباً سب کچھ حاصل کر لیا، لیکن ان کی آخری خواہش کیا ہے؟ سینئر صحافی رؤف کلاسرا نے بتا دیا۔
رؤف کلاسر کا انکشاف
لاہور(ڈیلی پاکستان آن لائن)معروف صحافی اور سینئر تجزیہ کار رؤف کلاسر نے صدر مملکت آصف علی زرداری کی آخری خواہش کے متعلق اہم انکشاف کیا ہے۔
یہ بھی پڑھیں: یحییٰ سنوار کی موت حماس کے لیے بڑا نقصان مگر ‘جنگ ابھی ختم نہیں ہوئی’
پیپلز پارٹی اور ن لیگ کا اتحاد
نجی ٹی وی چینل نیو نیوز کے پروگرام مدمقابل میں اینکرپرسن ربیعہ خان نے سوال کیا کہ پیپلز پارٹی ن لیگ کے ساتھ اتحاد قائم رکھنے کیلئے کیا مانگ سکتی ہے؟ ویسے تو پیپلز پارٹی نے خود کو محفوظ کر لیا ہے۔
یہ بھی پڑھیں: متحدہ عرب امارات میں ڈاکٹرز نے ایسی خاتون کی جان بچا لی جس کا دل 40 منٹ تک بند رہا
انسانی خواہشات کا اختتام
رؤف کلاسرا کا کہنا تھا کہ انسان اگر اتنا مطمئن ہوتا تو زندگی میں یہ سارے پھڈے اور فسادات نہیں ہوتے، انسانی خواہشات کا کوئی اختتام نہیں۔
یہ بھی پڑھیں: دریا میں پانی کا بہاؤ کتنا تھا اور الرٹ کب جاری کیا گیا؟ سوات واقعے پر محکمہ آبپاشی کی رپورٹ جاری
قرآن کی ایک آیت
ان کا کہنا تھا کہ قرآن پاک کی ایک آیت ہے جس کا ترجمہ ہے کہ کثرت کی خواہش تمام قبر تک لے گئی، انسان مرتے دم تک خواہشات سے باز نہیں آتا، جب تک قبر کی مٹی منہ بھرے تو بھرے ہمارا، باقی دنیا تو نہیں بھر سکتی، انسان کبھی مطمئن نہیں ہوتا، سیاستدان کو کبھی مطمئن ہو ہی نہیں سکتا۔
یہ بھی پڑھیں: جیل میں پرویز الٰہی کی پسلیاں ٹوٹ گئی تھیں، عدالت حاضری سے استثنا کی درخواست
زرداری کی سیاسی کامیابیاں
سینئر صحافی کا کہنا تھا کہ آصف زرداری دوسری بار صدر بن گئے، یوسف رضا گیلانی چیئرمین سینیٹ بن گئے، دو صوبوں کے گورنرز لے لئے، کشمیر میں حکومت بنالی، ابھی گلگت بلتستان پر آنکھ لگائے بیٹھے ہیں، سندھ ان کے پاس ہے، لیکن ابھی ان کی ایک خواہش رہتی ہے وہ بھی بلاول بھٹو کو وزیراعظم پاکستان بنانے کی۔
یہ بھی پڑھیں: بونیر میں طوفانی بارش کے بعد ندی نالے بپھر گئے، مساجد سے انخلا کیلئے اعلانات
سیاستدانوں کی قربانیاں
رؤف کلاسرا نے کہا کہ نوازشریف نے اپنی ہی زندگی میں مریم نواز کو وزیراعلیٰ بنوا لیا، مریم نواز کی پاور کوریڈور میں انٹری ہو گئی، آصف زرداری اپنی ہی زندگی میں کوشش کریں گے کہ بلاول بھٹو کو وزیراعظم کی کرسی پر بٹھا کر جائیں۔ یہ ان کیلئے بڑا آزمائش کا وقت ہوگا کہ وہ کیا قربانی دیتے ہیں۔
ٹویٹر پر بیان
صدر زرداری کی آخری خواہش کیا ہے؟
صدر زرداری نے اس زندگی میں تقریبا سب کچھ حاصل کر لیا۔ خود دوسری دفعہ صدر بن گئے، چیرمین سینٹ، دو گورنرز، چوتھی دفعہ سندھ حکومت لے لی، آزاد کشمیر کا وزیراعظم بنوا لیا، گلگت بلستان وزیراعلی پر بھی آئندہ نظر رکھنے کے باوجود ابھی بھی ان کی زندگی کی… pic.twitter.com/nRHe4aOFFu
— Rauf Klasra (@KlasraRauf) November 24, 2025
