ن لیگ کا ووٹ بینک بڑھا، لٹے پٹے پنجاب کو مریم نواز نے دوبارہ پاؤں پہ کھڑا کیا : عظمیٰ بخاری

وزیر اطلاعات و ثقافت پنجاب کی پریس کانفرنس

لاہور (ڈیلی پاکستان آن لائن) وزیر اطلاعات و ثقافت پنجاب عظمیٰ بخاری نے کہا کہ جنرل الیکشن کے مقابلے میں ضمنی انتخابات میں (ن) لیگ کا ووٹ بینک 20 ہزار سے 1 لاکھ ووٹ تک بڑھا ہے۔ یہ حقیقت اس بات کا ثبوت ہے کہ عوام نے عوامی فلاحی منصوبے جیسے کہ الیکٹرک بسیں، فری اسکالرشپس، اور کسان کارڈ کو ووٹ دیا، نہ کہ "نک دے کوکے" کی سیاست کو۔ سہیل آفریدی کو مریم نواز کے ترقیاتی منصوبوں کا خوف لاحق ہے، جو (ن) لیگ کی ضمنی جیت کے بعد مزید بڑھ گیا ہے۔ بزدار کے لٹے پٹے پنجاب کو مریم نواز نے دوبارہ اپنے پاؤں پر کھڑا کیا ہے۔

یہ بھی پڑھیں: وزیرآباد؛ گھر کے سامنے فائرنگ سے منع کرنا شہری کا جرم بن گیا

عوام نے خدمت کی سیاست کو ترجیح دی

عظمیٰ بخاری نے مزید کہا کہ عوام نے ایک مرتبہ پھر گالم گلوچ، نفرت، فساد اور انتشار کی سیاست کو واضح طور پر مسترد کرتے ہوئے خدمت اور کارکردگی کو ووٹ دیا۔ وزیراعلیٰ پنجاب کے شفاف گورننس ماڈل اور جاری ترقیاتی منصوبوں نے یہ ثابت کر دیا ہے کہ موجودہ حکومت صرف وعدوں پر یقین نہیں رکھتی بلکہ عملی کام پر بھی یقین رکھتی ہے۔

یہ بھی پڑھیں: ٹرمپ کی برکس ممالک کو دھمکی لیکن کیا امریکی ڈالر کی جگہ کوئی اور کرنسی اختیار کی جا سکتی ہے؟

پی ٹی آئی کی ناکامی اور عوامی پیغام

عظمیٰ بخاری نے کہا کہ اس بار عوام نے گالم گلوچ کی سیاست کو چھوڑ کر خدمت کی سیاست کو ووٹ دیا۔ ہری پور میں پی ٹی آئی کی اپنی حکومت کے باوجود عوام نے انہیں ووٹ نہیں دیا کیونکہ وہ سمجھ چکے ہیں کہ ووٹ صرف خدمت کو ملنا چاہیے۔ ان کی سیاست لڑائی اور مارکٹائی کے گرد گھومتی ہے، جس کی وجہ سے کے پی کے کے عوام نے انہیں مکمل طور پر مسترد کر دیا۔

یہ بھی پڑھیں: بجٹ 2025-26، سپر ٹیکس میں کتنی کمی کی تجویز ہے؟ بجٹ دستاویز سامنے آ گئیں

صوبوں میں ترقی کا صحت مند مقابلہ

عظمیٰ بخاری نے مزید کہا کہ ہم چاہتے ہیں کہ تمام صوبوں میں ترقی کا صحت مند مقابلہ ہو۔ اگر وزیراعلیٰ پنجاب مریم نواز صرف ڈیڑھ سال میں 90 سے زائد منصوبے مکمل کر سکتی ہیں، تو باقی صوبے ایسا کیوں نہیں کر پاتے؟ ان کی ڈکشنری میں "کریں گے" کا لفظ موجود نہیں ہے، وہ صرف کام کرتی ہیں۔

یہ بھی پڑھیں: ویڈیو: پاکستان کی سب سے خوبصورت سوسائٹی، اس آباد سوسائٹی میں پلاٹ لینے کا سنہری موقع، تاریخ میں پہلی مرتبہ!

پی ٹی آئی کی حالت اور عوام کا انتخابی فیصلہ

انہوں نے کہا کہ ضمنی انتخابات میں حماد اظہر کے بھانجے نے بھی الیکشن لڑا جبکہ ہری پور میں پی ٹی آئی کا امیدوار بھی موجود تھا۔ عوام نے انہیں واضح پیغام دیا کہ انہیں ترقی چاہیے، فساد نہیں۔ پی ٹی آئی اب یہ بہانہ بنا رہی ہے کہ انہیں کمپین نہیں کرنے دی گئی، حالانکہ وہ خود گھروں میں بیٹھے رہے۔

پنجاب میں نئی حکمت عملیوں کی کامیابی

عظمیٰ بخاری نے کہا کہ پنجاب میں بہتر ایئر کوالٹی، سموگ کنٹرول اور اینٹی سموگ گنز جیسی جدید حکمتِ عملیوں نے دیگر ممالک کی توجہ حاصل کی ہے۔ پنجاب کے عوام نے ثابت کر دیا کہ وہ لیپ ٹاپ، سکالرشپس، صحت، تعلیم اور ترقی چاہتے ہیں۔ عوام نے اس ضمنی الیکشن میں جو فیصلہ دیا ہے، وہ ترقی، امن اور خدمت کی جیت ہے۔