اسلام اور پاکستان مخالف درجنوں اکاؤنٹس کس ملک سے آپریٹ ہو رہے ہیں؟ تہلکہ خیز رپورٹ سامنے آ گئی

اسلام اور پاکستان مخالف اکاؤنٹس کی حقیقت

لاہور (خصوصی رپورٹ) اسلام اور پاکستان مخالف درجنوں اکاؤنٹس کس ملک سے آپریٹ ہو رہے ہیں؟ جان کر آپ حیران رہ جائیں۔

یہ بھی پڑھیں: بشریٰ بی بی کی بانی پی ٹی آئی سے ملاقات کروادی گئی، جیل ذرائع

سوشل میڈیا پر ہلچل

تفصیلات کے مطابق سماجی رابطے کی ویب سائٹ ’’ایکس‘‘ کے نئے فیچر ’’لوکیشن ٹول‘‘ نے دنیا بھر میں ہلچل مچا دی، جس کے بعد انکشاف ہوا کہ درجنوں اکاؤنٹس سیاسی پروپیگنڈا پھیلانے کے لیے استعمال ہو رہے ہیں۔ میڈیا رپورٹس کے مطابق متعدد بھارتی اکاؤنٹس، جو خود کو اسرائیلی شہریوں، بلوچ قوم پرستوں اور اسلام و پاکستان کے ناقدین کے طور پر ظاہر کر رہے تھے، دراصل بھارت سے ہی آپریٹ ہو رہے ہیں۔

یہ بھی پڑھیں: وفاقی وزیر اورنگزیب کھچی اور وزیراعظم کے معاون خصوصی حذیفہ رحمان کی سینیٹر عرفان صدیقی سے ملاقات

مشہور اکاؤنٹس کی شناخت

’’جنگ‘‘ کے مطابق کئی ’’ایکس‘‘ اکاؤنٹس کے فالوورز کی تعداد لاکھوں میں ہے اور وہ سماجی رابطوں کی ویب سائٹ پر خاصی مقبولیت رکھتے ہیں۔ صرف یہی نہیں، ان میں سے بیشتر کے اکاؤنٹس تصدیق شدہ بھی ہیں، جبکہ کئی اکاؤنٹس کی حقیقی شناخت نامعلوم ہے۔ یہی اکاؤنٹس مسلسل پاکستان مخالف مواد، نفرت انگیزی، اسلاموفوبیا اور غلط معلومات پھیلانے میں ملوث ہیں۔

یہ بھی پڑھیں: میرا جسم میری مرضی کا مطلب فحاشی نہیں بلکہ خود مختاری ہے: میرا سیٹھی

منظم پروپیگنڈا

رپورٹس کے مطابق یہ جعلی پروفائلز منظم پروپیگنڈے کے لیے استعمال ہو رہے ہیں جن کا مقصد عدم استحکام پیدا کرنا اور پاکستان کی عالمی سطح پر منفی تصویر پیش کرنا ہے۔ یہ اکاؤنٹس باقاعدگی سے توہین آمیز مواد، گمراہ کن بیانیے اور جعلی ویڈیوز شیئر کرتے رہے ہیں۔

یہ بھی پڑھیں: امریکی صدر کی دھمکی پر ایرانی سپریم لیڈر آیت اللہ خامنہ ای کے مشیر علی لاریجانی کا مؤقف بھی آ گیا

شخصیات کے اکاؤنٹس کا بھی ذکر

اسی طرح طالبان کے ترجمان عبدالقہار بلخی (@QaharBalkhi) کا اکاؤنٹ بھی بھارت سے آپریٹ ہوتا دکھائی دیا۔ متعدد اسرائیل کے حامی اکاؤنٹس جیسے ویویڈ، اسرائیل آرمی، مرینا ٹائمز، امریکن وائس اور رشین آرمی کی لوکیشن بھی حیران کن طور پر بھارت سے منظم دکھائی دی۔ ’’الفارس ایماراتی‘‘ نامی ایکس اکاؤنٹ جو خود کو ایک اماراتی شہری ظاہر کرتا ہے اور پاکستان پر تنقید کے لیے شہرت رکھتا ہے، در حقیقت بھارت سے چلایا جاتا ہے۔ ان اکاؤنٹس کو عالمی سطح پر اسلام اور پاکستان کو بدنام کرنے کے لیے استعمال کیا گیا۔ ان کے فالوورز کی اتنی بڑی تعداد دیکھ کر صارفین حیران رہ گئے کہ غلط معلومات پھیلانے کی یہ مہم کس قدر وسیع پیمانے پر چل رہی ہے۔

نئے فیچر کی اہمیت

ایکس کے اس نئے فیچر نے آن لائن غلط معلومات کے پھیلاؤ اور ایسے اکاؤنٹس کی نشاندہی میں درپیش مشکلات پر نئی بحث چھیڑ دی ہے۔