وزیر اعظم کا چینی صدر اور قوم سے ہانگ کانگ کی عمارت میں آتشزدگی سے جانی و مالی نقصان پر اظہار تعزیت

وزیر اعظم کا ہانگ کانگ کی آتشزدگی پر اظہار افسوس

اسلام آباد (ڈیلی پاکستان آن لائن) وزیراعظم محمد شہباز شریف نے ہانگ کانگ کی بلند عمارت میں تباہ کن آتشزدگی کے نتیجے میں قیمتی جانی اور مالی نقصان پر گہرے دکھ اور افسوس کا اظہار کیا۔ انہوں نے چین کے صدر شی جن پنگ، چینی قوم اور متاثرین سے تعزیت کی۔

یہ بھی پڑھیں: لاہور میں ’’دھی رانی پروگرام‘‘ کے تحت اجتماعی شادیوں کی تقریب ، 103بیٹیوں کی رخصتی ، وزراء اور معززین کی شرکت

وزیراعظم کا پیغام

سماجی رابطے کی ویب سائٹ ’’ایکس‘‘ پر اپنے پیغام میں وزیراعظم نے کہا کہ اس تباہ کن آتشزدگی کے واقعے سے قیمتی جانی اور مالی نقصان پر انہیں گہرا دکھ ہوا ہے۔ انہوں نے کہا کہ: "چین کے صدر شی جن پنگ، چینی قوم اور متاثرین سے تعزیت کرتے ہیں۔ ہماری دعائیں اور ہمدردیاں سوگوار خاندانوں کے ساتھ ہیں، زخمیوں کی جلد صحت یابی اور متاثرین کی ہمت اور بحالی کے لیے بھی دعاگو ہیں۔"

پاکستان کی یکجہتی کا اظہار

’’اے پی پی‘‘ کے مطابق وزیراعظم نے مزید کہا کہ پاکستان اس مشکل کی گھڑی میں چین کے عوام اور حکومت، خاص طور پر ہانگ کانگ خصوصی انتظامی خطے کے ساتھ مکمل یکجہتی کا اظہار کرتا ہے۔ انہوں نے یہ بھی کہا کہ پاکستان اور چین ہمیشہ ایک ساتھ کھڑے رہیں گے۔