وزیراعظم کی ہدایت، تنخواہ دار طبقے کو ٹیکسوں میں ریلیف پر کام شروع

فیڈرل بورڈ آف ریونیو کی نئی پالیسیاں

اسلام آباد(ڈیلی پاکستان آن لائن )چیئرمین فیڈرل بورڈ آف ریونیو (ایف بی آر) راشد محمود لنگڑیال نے اعلان کیا ہے کہ وزیراعظم شہباز شریف کی ہدایت پر تنخواہ دار طبقے کو ٹیکسوں میں ریلیف پر کام شروع کر دیا گیا ہے۔

یہ بھی پڑھیں: دل کے مریضوں کو ادویات انکی دہلیز تک پہنچانے کا منصوبہ کامیابی سے جاری، 6 ماہ میں کتنی مالیت کی ادویات فراہم کی گئیں؟ اہم تفصیلات سامنے آ گئیں

سپر ٹیکس میں کمی

پاکستان بزنس کونسل کے سیمینار سے خطاب کرتے ہوئے راشد محمود لنگڑیال نے بتایا کہ وزیراعظم نے بڑی کمپنیوں پر عائد سپر ٹیکس میں کمی کی بھی ہدایت کی ہے۔ اس پر عملدرآمد کے لیے حکومتی سطح پر مشاورت کا آغاز ہوچکا ہے۔

ٹیکس کی تعداد میں اضافہ

راشد محمود لنگڑیال نے کہا کہ ملک میں ٹیکس دینے والوں کی تعداد جتنی بڑھے گی، ٹیکس ریٹ اتنا ہی کم کیا جا سکے گا۔ وفاقی حکومت آئندہ مراحل میں بڑی کمپنیوں اور کاروبار پر سپر ٹیکس کو مرحلہ وار کم کرنے اور آخرکار ختم کرنے کے لئے تیار ہے۔