یو ایم ٹی میں پہلے ’’کلین ایئر سمٹ 2025” کا انعقاد، سینئر صوبائی وزیر مریم اورنگزیب کی بطور مہمانِ خصوصی شرکت

کلین ایئر سمٹ 2025 کا انعقاد

لاہور (ڈیلی پاکستان آن لائن) یونیورسٹی آف مینجمنٹ اینڈ ٹیکنالوجی (یو ایم ٹی) میں آج پہلا ’’کلین ایئر سمٹ 2025‘‘ ہوا جس میں ماحولیاتی آلودگی اور سموگ کے خاتمے کے لیے جامع لائحہ عمل پر تفصیلی گفتگو کی گئی۔

یہ بھی پڑھیں: وزیراعظم شہباز شریف آذربائیجان کے صدر کی دعوت پر دارالحکومت باکو پہنچ گئے

خصوصی مہمان اور صدارت

سمٹ کی مہمانِ خصوصی سینئر صوبائی وزیر مریم اورنگزیب تھیں جبکہ یو ایم ٹی کے صدر و سابق صوبائی وزیر ابراہیم حسن مراد نے بھی خصوصی طور پر شرکت کی اور سمٹ کی صدارت کی۔

یہ بھی پڑھیں: اعلیٰ عدالتوں میں4 لاکھ مقدمات زیر التواء ، سپریم کورٹ میں تعداد 60 ہزار ،پاکستان کو آئینی عدالت کی ضرورت کیوں۔۔۔؟ اہم تفصیلات جانیے

ابراہیم حسن مراد کا خطاب

اپنے خطاب میں ابراہیم حسن مراد نے پنجاب حکومت کی کلین ایئر پالیسی اور سموگ سے نمٹنے کے اقدامات کو خراجِ تحسین پیش کیا اور کہا کہ ماحولیاتی آلودگی کے خاتمے کے لیے تمام سٹیک ہولڈرز کو مل کر کام کرنا ہوگا۔ انہوں نے زور دیا کہ "صاف ہوا عوامی صحت اور ماحولیاتی تحفظ کے لیے بنیادی ضرورت ہے"۔

یہ بھی پڑھیں: حافظ آباد: مسلح افراد کی خاتون سے شوہر کے سامنے اجتماعی زیادتی کا انکشاف

مریم اورنگزیب کی شرکت

سینئر صوبائی وزیر مریم اورنگزیب نے وزیراعلیٰ پنجاب مریم نواز کی قیادت میں سموگ تدارک کے لیے کیے جانے والے جدید اور مؤثر اقدامات کی تفصیلات سے آگاہ کیا اور بتایا کہ گزشتہ سال کے مقابلے میں رواں سال سموگ کی شرح میں نمایاں کمی ریکارڈ کی گئی ہے۔ انہوں نے یو ایم ٹی کے پلیٹ فارم پر اس اہم سمٹ کے انعقاد پر انتظامیہ کو خراجِ تحسین پیش کیا۔

یہ بھی پڑھیں: شیخوپورہ: خاتون مبینہ تشدد سے جاں بحق، پولیس نے شوہر کو گرفتار کر لیا

شرکاء کی تعداد اور تجاویز

سمٹ میں ماہرینِ ماحولیات، سرکاری افسران، طلباء و طالبات اور سول سوسائٹی کے نمائندوں نے کثیر تعداد میں شرکت کی اور کلین ایئر ایکشن پلان کو مزید بہتر بنانے کے لیے قیمتی تجاویز پیش کیں۔

آئندہ کے منصوبے

یو ایم ٹی انتظامیہ نے اعلان کیا کہ کلین ایئر سمٹ کو اب ہر سال منعقد کیا جائے گا تاکہ صاف ستھری ہوا کے حصول کے لیے مسلسل آگاہی اور عملی اقدامات کو فروغ دیا جا سکے۔