صدر مملکت آصف زرداری کا نیشنل ڈیفنس یونیورسٹی کا دورہ، 27 ویں نیشنل سیکیورٹی ورکشاپ کے شرکاء سے خطاب

صدر مملکت کا نیشنل ڈیفنس یونیورسٹی کا دورہ

اسلام آباد(ڈیلی پاکستان آن لائن ) صدر مملکت آصف علی زرداری نے نیشنل ڈیفنس یونیورسٹی کا دورہ کیا جہاں انہوں نے 27 ویں نیشنل سیکیورٹی ورکشاپ کے شرکاء سے خطاب کیا۔

یہ بھی پڑھیں: لاہور میں راستہ بند کرنے سے منع کرنے پر نوجوان قتل، مرکزی ملزم گرفتار

ورکشاپ میں شرکت

آئی ایس پی آر کے مطابق اس ورکشاپ میں پارلیمنٹیرینز سمیت سینئر سول و ملٹری افسران نے بھی شرکت کی اور تعلیمی و سماجی شعبوں کے نمائندے بھی شریک تھے۔ صدر مملکت نے ورکشاپ مکمل کرنے پر شرکاء کو مبارکباد دی اور قومی سلامتی سے متعلق آگاہی بڑھانے میں ان کی لگن کو سراہا۔

یہ بھی پڑھیں: 26 ویں آئینی ترمیم کا مقصد پارلیمان کو عدلیہ کا زیر نگیں ہونے سے بچانا ہے، خواجہ آصف

نیشنل سیکیورٹی ورکشاپ کی اہمیت

آئی ایس پی آر کا کہنا ہے کہ نیشنل سیکیورٹی ورکشاپ مکالمے کو فروغ دینے کے نمایاں پلیٹ فارمز میں سے ہے اور اس سے پاکستان کو درپیش موجودہ سیکیورٹی چیلنجز کا مؤثر طریقے سے مقابلہ کیا جا سکتا ہے۔

یہ بھی پڑھیں: راولپنڈی : علیمہ خان نے بہنوں اور کارکنوں کے ہمراہ پھر دھرنا دے دیا

قومی حکمتِ عملی میں بہتری

نیشنل سیکیورٹی ورکشاپ ملک کی اُن نمایاں پلیٹ فارمز میں سے ہے جو قومی سطح پر مکالمے کو فروغ دیتی ہیں اور یہ پلیٹ فارم ادارہ جاتی صلاحیت کو بڑھانے میں اہم کردار ادا کرتا ہے۔ یہ قومی سلامتی کے لیے قومی حکمتِ عملی کو مضبوط بنانے میں بھی اہم کردار ادا کرتا ہے۔

اختتامی تقریب

اس موقع پر صدر مملکت نے باخبر قیادت، قومی یکجہتی اور مربوط پالیسی سازی کی اہمیت پر زور دیا اور اختتامی تقریب میں فارغ التحصیل شرکاء میں اسناد بھی پیش کیں۔