محکمہ موسمیات کی ملک کے بیشتر علاقوں میں موسم شدید سرد رہنے کی پیشگوئی

محکمہ موسمیات کی پیشگوئی

اسلام آباد (ڈیلی پاکستان آن لائن) محکمہ موسمیات نے ملک کے بیشتر علاقوں میں موسم شدید سرد رہنے کی پیشگوئی کردی۔

نجی ٹی وی سما نیوز کے مطابق، محکمہ موسمیات کا کہنا ہے کہ اسلام آباد اور گردونواح میں موسم سرد اور خشک رہنے کا امکان ہے۔

پنجاب کے بیشتر اضلاع میں موسم سرد، خشک اور کئی شہروں میں اسموگ متوقع ہے، جبکہ خیبرپختونخوا کے بیشتر اضلاع میں موسم سرد اور خشک رہے گا۔

خیبرپختونخوا کے پہاڑی علاقوں میں موسم شدید سرد رہنے کا امکان ہے۔

دوسری جانب سندھ کے بیشتر اضلاع میں موسم خشک اور سرد رہنے کا امکان ہے، اور بلوچستان کے شمالی اضلاع میں موسم شدید سرد رہنے کی توقع ہے۔

اس کے علاوہ، پشاور، صوابی، مردان، ڈیرہ اسماعیل خان اور گردونواح میں چند مقامات پر دھند کا امکان ظاہر کیا گیا ہے۔