وزیراعلی سہیل آفریدی کا این اے 18 ہری پور ضمنی انتخابات کی انکوائری کا فیصلہ، پارٹی کو اختیار دیدیا

پشاور میں ضمنی انتخابات کی انکوائری کا فیصلہ

پشاور (ویب ڈیسک) معاون خصوصی برائے اطلاعات شفیع جان نے بتایا ہے کہ وزیراعلی سہیل آفریدی نے این اے 18 ہری پور ضمنی انتخابات کی انکوائری کا فیصلہ کر لیا ہے اوراس سلسلے میں پارٹی کو انکوائری کا اختیار دیدیا۔

یہ بھی پڑھیں: پاکستانی صحافی اسد ملک کو برطانوی پولیس نے گرفتار کرلیا، صفینہ خان کا دعویٰ

کامل انکوائری کا عمل

اپنے ایک بیان میں شفیع جان کا کہنا تھاکہ ضمنی الیکشن میں کلاس فور سے لیکر ڈپٹی کمشنر تک کی مکمل انکوائری ہوگی، کسی بھی اہلکار یا افسر کے ملوث ہونے پر سخت تادیبی کارروائی ہوگی، یقین ہے کہ صوبائی حکومت کے ماتحت ملازمین اور افسران دھاندلی میں ملوث نہیں، پھر بھی شفافیت کے لیے انکوائری کر رہے ہیں۔

الیکشن کمیشن کو ریفرنس کی تیاری

ان کا مزید کہناتھاکہ ضمنی انتخابات میں مبینہ دھاندلی پر الیکشن کمیشن کو ریفرنس بھیج رہے ہیں، پریذائیڈنگ افسران کے بیانات اور بیان حلفی قلمبند کیے جا رہے ہیں۔