روہت شرما نے شاہد آفرید ی کا طویل عرصے سے قائم ورلڈ ریکارڈ توڑ دیا

روہت شرما کا نیا ورلڈ ریکارڈ

ممبئی(ڈیلی پاکستان آن لائن) بھارتی بلے باز روہت شرما نے ون ڈے کرکٹ میں 352 چھکے لگا کر سابق پاکستانی بلے باز شاہد آفریدی کے 351 چھکوں کا طویل عرصے سے قائم ورلڈ ریکارڈ توڑ دیا۔

یہ بھی پڑھیں: پاک بحریہ کو خراج تحسین پیش کرنے وزیراعظم کل کراچی کا دورہ کریں گے

پہلا میچ اور چھکے

جنوبی افریقہ سے جاری ون ڈے سیریز کے پہلے میچ میں روہت شرما نے اوپنر کی حیثیت سے 57 رنز کی اننگز کھیلی جس میں 3 چھکے بھی شامل تھے۔ 3 چھکوں کے ساتھ روہت شرما کے ون ڈے انٹرنیشنل میں چھکوں کی تعداد 352 ہوگئی ہے جو کہ انہوں نے 269 اننگز میں لگائے ہیں۔

یہ بھی پڑھیں: امریکی فوج کو ہر ڈالر میں سے 70 سینٹ بھیجنے کا دور ختم ہو چکا ہے، کینیڈین وزیراعظم کا اعلان

پرانا ریکارڈ

ان سے قبل یہ ریکارڈ پاکستان کے سابق کپتان شاہد آفریدی کے پاس تھا جنہوں نے 369 اننگز میں 351 چھکے لگائے تھے۔ تیسرے نمبر پر ویسٹ انڈیز کے کرس گیل ہیں جنہوں نے 294 اننگز میں 331 چھکے لگا رکھے ہیں۔

یہ بھی پڑھیں: بنگلہ دیش عام انتخابات، بی این پی اتحاد نے 211 نشستیں جیت کر دو تہائی اکثریت حاصل کر لی

عمومی چھکے

ون ڈے کے ساتھ ٹیسٹ اور ٹی ٹوئنٹی انٹرنیشنل کے مجموعی چھکوں کی بات کی جائے تو اس فہرست میں روہت شرما پہلے سے ہی نمبر ون پوزیشن پر موجود ہیں۔ 38 سالہ روہت شرما نے انٹرنیشنل کرکٹ میں مجموعی طور پر 645 چھکے لگائے ہیں۔