ضلع کرم میں پولیس پوسٹ پر خوارج کا حملہ، 2 پولیس اہلکار شہید، 4 دہشتگرد ہلاک

پولیس پوسٹ پر حملہ

کرم (مانیٹرنگ ڈیسک) وسطی کرم کے علاقے چنارک میں پولیس پوسٹ پر فتنہ الخوارج کے حملے میں 2 پولیس اہلکار شہید ہوگئے۔ جوابی کارروائی میں خوارج کے 4 دہشت گرد ہلاک ہوگئے۔

حملے کی تفصیلات

’’جیو نیوز‘‘ کے مطابق آر پی او کوہاٹ عباس مجید مروت نے بیان دیا کہ وسطی کرم کے علاقے چنارک میں دہشت گردوں نے پولیس پوسٹ پر خود کار ہتھیاروں سے حملہ کیا۔ پولیس فورس کے جوانوں نے بہادری سے دہشت گردوں کا مقابلہ کیا۔ اس دوران فائرنگ کے تبادلے میں پولیس فورس کے 2 اہلکار واحد خان اور فضل رحمان شہید ہوگئے۔ جبکہ جوابی کارروائی میں فتنہ الخوارج کے 4 دہشت گرد ہلاک اور 6 زخمی ہوگئے۔