پاکستانی لڑکی کو شادی کے نام پر دھوکے میں مبینہ طور پر چینی شہریوں کو فروخت کیے جانے کا انکشاف

راولپنڈی میں دھوکہ دہی کا واقعہ

راولپنڈی (ڈیلی پاکستان آن لائن) پاکستانی لڑکی کو شادی کے نام پر دھوکے میں مبینہ طور پر چینی شہریوں کو فروخت کیے جانے کا انکشاف ہوا ہے اور متاثرہ لڑکی کا ویڈیو بھی بیان سامنے آگیا ہے۔

یہ بھی پڑھیں: پی ایس ایل، کراچی کنگز نے پنڈیز کو شکست دے دی

تحقیقات کا آغاز

تفصیلات کے مطابق راولپنڈی پولیس نے بتایا کہ متاثرہ لڑکی کے بیان اور تھانہ صادق آباد میں دی جانے والی درخواست پر تحقیقات شروع کردی گئی ہیں۔

یہ بھی پڑھیں: پنجاب کی مختلف بار کونسلوں کے انتخابات، پولنگ جاری، شیخوپورہ میں الیکشن مؤخر، کہاں کہاں کانٹے دار مقابلہ ہے ۔۔؟ اہم تفصیلات جانیے

متاثرہ لڑکی کا بیان

ویڈیو بیان میں لڑکی نے الزام عائد کیا کہ میں صادق آباد کی رہائشی ہوں جہاں عنایہ نامی خاتون نے کہا کہ آپ کے والدین وفات پا چکے ہیں اور چینی شہری سے آپ کی شادی کرادوں گی اور تم خوش رہو گی۔

یہ بھی پڑھیں: ہم سب چاہتے تھے کہ ہم شادی کریں لیکن ہم نے نقلی شادی کرلی، ہانیہ عامر کی ویڈیو نے سب کو حیران کر دیا

خریداری کا دعویٰ

انہوں نے بتایا کہ مذکورہ خاتون نے میری شادی کرادی اور مجھے بعد میں چینی شہری سے پتا چلا کہ اس نے مجھے 17 لاکھ میں خریدا ہے۔

حالت اور ضروریات

متاثرہ لڑکی نے بتایا کہ میری شادی کو تین مہینے ہوچکے ہیں اور میں حاملہ ہوں لیکن جب میں نے ادویات کے لیے چینی شہری سے پیسے مانگے تو انہوں نے پیسے نہیں دیے اور کہا کہ میں ایک پیسے کی روادار نہیں ہوں کیونکہ اس نے مجھے 17 لاکھ روپے میں خریدا ہے۔