پاکستان ایسوسی ایشن دبئی میں زیک انٹرنیشنل انسٹی ٹیوٹ کی طرف سے ریڈنگ سیشن کا انعقاد
دبئی میں چوتھا ریڈنگ سیشن
دبئی (طاہر منیر طاہر) پاکستان ایسوسی ایشن دبئی کی نیاز مسلم لائبریری میں زیک انٹرنیشنل انسٹیٹیوٹ کے زیر اہتمام چوتھا ریڈنگ سیشن منعقد ہوا۔ اس بیٹھک کی مہمان خصوصی عجمان پاکستانی سکول کی سابقہ پرنسپل اور سکائی لائن یونیورسٹی کی ایکڈیمک ہیڈ ثمینہ ناصر تھیں۔
یہ بھی پڑھیں: کانگریس کی سرپرستی میں ’ہندو مہا سبھا‘ اور ’راشٹریہ سیوک سنگھ‘ وغیرہ ہتھیار جمع کررہی تھیں، ساہوکار روپے دے رہے تھے، یوں قیامت ٹوٹ پڑی۔
مصوروں اور خطاطوں کی شمولیت
پروگرام میں فن مصوری سے تعلق رکھنے والے تین بہترین مصور اور خطاط مقصود کیانی، تحسین بدر اور صائمہ فرقان بھی شامل تھے۔ زیک انٹرنیشنل کے بچوں نے ایک بار پھر کتاب سے اپنے تعلق کو مستحکم کیا۔
یہ بھی پڑھیں: مذاکرات کے معاملے پر حکومت کا رویہ بچگانہ ہے: شوکت یوسفزئی
کتابوں پر بچوں کے تاثرات
اس Book Review Session میں بچوں نے مختلف کتابوں پہ اپنے تاثرات پیش کیے جن میں ہیلن کیلر کی سوانح حیات The Story of My Life پہ گیارہویں جماعت کے جہانیہ نے بھرپور گفتگو کی اور ایملی بار کے سائکولوجیکل تھرلر The Perfect Lie پہ جماعت ہشتم کی کائنہ نے دلچسپ انداز میں روشنی ڈالی۔ ایک معلوماتی کتاب Amazing Places پہ جماعت پنجم کے صائم نے انتہائی دلچسپ تبصرہ پیش کیا اور دعوت دی کہ ان کی عمر کے بچوں کو ایسی کتابیں ضرور پڑھنی چاہئیں۔
یہ بھی پڑھیں: عادل بازئی خون کے کینسر میں مبتلا ہیں، جنید اکبر کا انکشاف
سوال و جواب کا دلچسپ سیشن
کتابوں کے تجزیے کے بعد ان طلبا سے سوال و جواب کا سلسلہ بھی جاری رہا جس میں زیک انٹرنیشنل کی پرنسپل اور سی ای او مس نبراس سہیل نے مختلف سوالات کر کے اس بات کو جانچتی رہیں کہ کتاب کے مختلف پہلوؤں مثلاً کہانی، کردار اور مصنف کے رائٹنگ سٹائل (تحریری سلوب) کے بارے میں بچوں کی کیا رائے ہے۔ سوالوں کے جواب بچوں نے انتہائی اعتماد کے ساتھ دیے جس نے حاضرین کو مزید محظوظ کیا۔
یہ بھی پڑھیں: پنجاب اسمبلی میں اپوزیشن رکن خالد نثار ڈوگر نے حکومتی رکن حسان ریاض کو تھپڑ مار دیا
عنایہ اسد کا ناول
اس بک ریویو سیشن میں عنایہ اسد نے اپنے تحریر کردہ ناول The Nightshade Sisters & the Voice of Light کو پیش کیا اور کتاب کے مختلف پہلوؤں پر روشنی ڈالی۔ یہ ناول جلد ہی انٹرنیٹ پہ دستیاب ہو گا۔
یہ بھی پڑھیں: بجٹ 26-2025: حکومت کا کم سے کم اجرت نہ بڑھانے کا فیصلہ
اقبال کی شاعری کا مظاہرہ
اس علمی بیٹھک میں دو طلبا، گیارہویں جماعت کے جہانیہ اور جماعت ہفتم کی سارہ نے علامہ اقبال کی مشہور نظم شکوہ اور جواب شکوہ انتہائی خوبصورت انداز میں پیش کیا جس نے محفل کا لطف دوبالا کر دیا۔
یہ بھی پڑھیں: بڑے لوگوں پر ہاتھ ڈالا جائے‘‘ وزیرداخلہ کا حوالہ ہنڈی مافیا کیخلاف کریک ڈاؤن کا حکم
متحدہ عرب امارات کے قومی دن کی تقریبات
متحدہ عرب امارات کے قومی دن کے حوالے سے بچوں نے پریزنٹیشنز بھی دیں۔ آٹھویں جماعت کی کائنہ نے متحدہ عرب امارات کی سائنس، ٹیکنالوجی اور سپیس کے میدان میں متحدہ عرب امارات کے حکمرانوں اور یہاں کے سائنسدانوں کی کاوشوں کا ذکر کیا، جس میں وہ سرگرم عمل ہیں۔ جماعت ہشتم کے شاہ جہان نے امارات کی ثقافت، زبان، خوراک اور لباس پہ گفتگو کی جو ان کے اپنے سیکنڈ ہوم سے محبت کا مظہر تھی۔
یہ بھی پڑھیں: 72 ملین ڈالر فراڈ کے الزامات، بالی ووڈ اداکارہ شلپا شیٹی کے شوہر راج کندرا نے خاموشی توڑ دی
شکریہ اور حوصلہ افزائی
آخری میں جہانیہ نے اپنی تحریر کردہ، محبت سے لبریز ایک خصوصی نظم پیش کی جو کہ اظہار تشکر تھا، یہاں بسنے والے تمام شہریوں کے دل کی آواز اور متحدہ عرب امارات کے لئے ایک حسین خراج تحسین تھا۔ میڈم ثمینہ ناصر نے بچوں کی کاوشوں کو بے حد سراہا اور اپنی دلسوز گفتگو میں اقبال کی اشعار کے اتنے حسین موتی پروئے کہ حاضرین کا دل شاد ہو گیا۔
یہ بھی پڑھیں: لاہور میں بہادر ٹریفک پولیس اہلکار نے جلتی عمارت سے 7 افراد کو زندہ بچالیا
کتابیں بطور تحفہ
پروگرام کے آخر میں زیک انٹرنیشنل کی جانب سے بچوں کو کتابیں پیش کی گئیں، جو کہ اس بات کی ترغیب ہے کہ ہمیں بچوں میں یہ کلچر پروان چڑھانے کی ضرورت ہے کہ ہم کتاب بطور تحفہ ایک دوسرے کو دیا کریں۔ کتاب کو پڑھیں اور کتاب پر بات کریں۔ اسی مشن کو لے کر زیک انٹرنیشنل کی ڈائریکٹر مس نبراس سہیل دوسروں کے لئے مشعل راہ ہیں اور اگلے مراحل میں مزید سکولوں سے بھی رابطہ کیا جائے گا۔
یہ بھی پڑھیں: گورنر راج مسائل کا حل نہیں ہے: سینیٹر ایمل ولی خان
نوجوانوں کی ترقی کے لئے اقدامات
ان کا عزم ہے کہ اس تیزی سے بڑھتے چیلنجنگ دور میں نوجوانوں کے تمام ہنر آزمائے جائیں اور انھیں آگے بڑھنے کے مواقع دئیے جائیں۔ لہذا پروگرام کی فوٹو اور ویڈیو ریکارڈنگ کے لئے بھی طلبا روحیل مغل اور علی مرتضی نے اپنی خدمات پیش کیں۔
ادب نوازی کی اہمیت
پاکستان ایسوسی ایشن دبئی کی نیاز مسلم لائبریری کے مہتمم نیر سروش کی ادب نوازی اور ایسی محافل کے اہتمام سے یقینا ہم اپنے بچوں کو کتاب کی طرف جلد لے آئیں گے۔
