سونا مزید مہنگا ہوگیا؛ عالمی اور مقامی مارکیٹوں میں قیمت میں بڑا اضافہ

سونے کی عالمی قیمتوں میں اضافہ

کراچی(ڈیلی پاکستان آن لائن) سونے کی عالمی اور مقامی مارکیٹوں میں قیمت آج پھر بڑھ گئی۔

یہ بھی پڑھیں: ٹیکساس میں شدید سیلاب، صدر ٹرمپ نے کری کاؤنٹی کے لیے آفت زدہ کا اعلان کر دیا

بین الاقوامی بلین مارکیٹ کا جائزہ

بین الاقوامی بلین مارکیٹ میں فی اونس سونے کی قیمت 27 ڈالر کے اضافے سے 4 ہزار 245 ڈالر کی سطح پر آنے کے باعث مقامی صرافہ مارکیٹوں میں پیر کو بھی 24 قیراط کے حامل فی تولہ سونے کی قیمت 2 ہزار 700 روپے کے اضافے سے 4 لاکھ 46 ہزار 862 روپے کی سطح پر آگئی۔

یہ بھی پڑھیں: خواجہ سراء کو تعلق ختم کرنا مہنگا پڑ گیا، دن دیہاڑے اغواء، ڈیرے پر لیجا کر کیا سلوک کیا گیا؟ جانیے

مقامی سطح پر سونے کی قیمتیں

اسی طرح مقامی سطح پر فی 10 گرام سونے کی قیمت 2 ہزار 315 روپے کے اضافے سے 3 لاکھ 82 ہزار 112 روپے کی سطح پر آگئی۔

چاندی کی قیمتوں میں تبدیلی

سونے کی قیمتوں کے ساتھ ہی ملک میں فی تولہ چاندی کی قیمت بھی 54 روپے کے اضافے سے 5 ہزار 963 روپے اور فی 10 گرام چاندی کی قیمت 46 روپے کے اضافے سے 5 ہزار 112 روپے کی سطح پر آگئی۔