اداکارہ بشریٰ انصاری کراچی کی ابتر حالت پر غمزدہ، شہریوں سے پیٹیشن دائر کرنے کی اپیل
شہریوں کی اپیل
کراچی (ڈیلی پاکستان آن لائن) سینئر اداکارہ بشریٰ انصاری نے شہر قائد کی خراب ہوتی ہوئی حالت پر شہریوں سے اپیل کی ہے کہ وہ شہر کی بہتری کے لیے پیٹیشن دائر کریں۔
یہ بھی پڑھیں: امریکی، برطانوی، فرانسیسی میڈیا اور ماہرین پاکستان کی دفاعی صلاحیتوں کے معترف
کراچی کی ابتر حالت
انسٹاگرام پر ویڈیو پیغام میں انہوں نے کراچی کی ابتر حالت پر گہرے افسوس کا اظہار کیا اور کہا کہ آخر کیوں طاقتور لوگ اس شہر کو درست کرنے سے گریزاں ہیں، جو لاکھوں لوگوں کو روزگار فراہم کرتا ہے اور پاکستان بھر کے لوگوں کے لیے مواقع پیدا کرتا ہے۔ 30 سے 40 سال سے یہی سننے میں آ رہا ہے کہ کوئی سیاسی جماعت کراچی کی طرف توجہ نہیں دے رہی، کبھی ایم کیو ایم آئی، تو کبھی پیپلز پارٹی، لیکن کسی نے شہر کی حالت بہتر بنانے کی کوشش نہیں کی۔ کراچی ایک ایسا شہر تھا جہاں ہر قومیت کے لوگ امن و محبت کے ساتھ رہتے تھے، پہلے شہر بہت خوبصورت تھا، لیکن اب اس کا نقشہ مکمل بدل چکا ہے۔
صوبائی حکومت کی تنقید
انہوں نے صوبائی حکومت کو مخاطب کرتے ہوئے کہا کہ صرف کراچی ہی نہیں بلکہ پورے سندھ کی حالت انتہائی افسوسناک ہے، لیکن حکومت اپنے ہی صوبے کی بہتری کے لیے کچھ نہیں کررہی۔ اب تمام شہریوں کو مل کر پیٹیشن دائر کرنی چاہیے، لیکن سوال یہ ہے کہ کس کے خلاف۔
