9 مئی کے کیس میں بانی کو سزا ملے گی، جنرل فیض کو کم از کم 14 سال قید ہونی چاہیے، فیصل واوڈا

سینیٹر فیصل واوڈا کا بیان

اسلام آباد(ڈیلی پاکستان آن لائن) سینیٹر فیصل واوڈا نے کہا کہ 9 مئی کیس میں بانی کو سزا ملے گی، یہ دیوار پر لکھا ہوا ہے۔ 9 مئی کے لوگ ابھی تک چھپے ہوئے ہیں، جنرل فیض کو کم از کم 14 سال قید ہونی چاہیے۔ سی ڈی ایف کا بزنس آف روٹین کے مطابق نوٹیفکیشن ہو گا، رولز آف دی بزنس کی وجہ سے نوٹیفکیشن میں تاخیر ہوئی ہے، سیاست کو سیاست کے ساتھ چلنا ہے۔

یہ بھی پڑھیں: ورلڈ ٹیسٹ چیمپئن شپ کے فائنل کے لیے ریکارڈ انعامی رقم کا اعلان

ملاقات کا کردار

سینیٹر فیصل واوڈا نے سماء نیوز کے پروگرام ’ندیم ملک لائیو‘ میں گفتگو کرتے ہوئے کہا کہ میں نے بانی سے بہنوں کی ملاقات میں اہم کردار ادا کیا۔ میں نے فرح گوگی اور دیگر کی کرپشن کو بے نقاب کرنے کا کہا، آئین و قانون کہتے ہیں کہ آپ اہل خانہ اور وکیل سے مل سکتے ہیں۔ میں نے ہر ممکن کوشش کی کہ سیاست کا جواب سیاست سے ہو، یہ گالم گلوچ کریں پھر دیکھیں کیا ہوتا ہے ان کے ساتھ۔ ہم چاہتے تھے کہ ریڈ لائن فوج کی عزت کرنا تھا۔

یہ بھی پڑھیں: وزیراعلیٰ مریم نواز کی پنجاب بار کونسل کے انتخابات میں فاتح انڈیپینڈنٹ گروپ کو مبارکباد

نئی تبدیلیوں پر تبصرہ

انہوں نے کہا کہ یہ بانی نے پارٹی کو سیکھایا اور ہم سب نے سیکھا، ایک بڑے کاز کیلئے ایک قدم پیچھے اور ایک قدم آگے بڑھا جاتا ہے۔ عالمی سطح پر آپ نے کیا ہیڈ لائنز بنائیں آپ جانتے ہیں؟ بہنیں جب آئیں تو پہلے پروپیگنڈا کیا کہ ان کی صحت ٹھیک نہیں، ملاقات کے بعد یہ باتیں بہنیں حذف کر سکتی تھیں۔ اکبر بابر جیسے لوگ باہر بھاگے ہوئے ہیں، اب معاملات اس سے بڑھ گئے ہیں، 9 مئی ہوگیا۔ جب تک ہمارے ساتھ پارٹی کے ساتھ تھے بانی کو فائدہ ہو رہا تھا، 9 مئی کیس میں بانی کو سزا ملے گی، یہ دیوار پر لکھا ہوا ہے۔ میں نے بانی کو کہا تھا کہ آپ کے لوگ آپ پر گولی چلائیں گے۔

جنرل فیض کی قید کی ضرورت

ان کا کہنا تھا کہ 9 مئی کے لوگ ابھی تک چھپے ہوئے ہیں، جنرل فیض کو کم از کم 14 سال قید ہونی چاہیے۔ جنرل فیض آسمان سے نہیں اترا ہوا، اگر سزائے موت نہیں تو قید ہوگی۔ فیصل واوڈا نے کہا کہ کل سہیل آفریدی کی ملاقات بانی سے نہیں ہوگی، سی ڈی ایف کا بزنس آف روٹین کے مطابق نوٹیفکیشن ہوگا، رولز آف دی بزنس کی وجہ سے نوٹیفکیشن میں تاخیر ہوئی ہے، سیاست کو سیاست کے ساتھ چلنا ہے۔ سی ڈی ایف نوٹیفکیشن میں کوئی ایشیو نہیں، جلد جاری ہو جائے گا۔ عدلیہ میں ترامیم کے بعد جو مسائل ان کی رہائش کے تھے وہ سامنے آئے، عدلیہ ججز کے گھروں کا مسئلہ جلد حل ہو جائے گا۔ 28 ویں ترمیم آئے گی تو پھر 29 ویں آجائے گی، جو مسائل رہ گئے ہیں ان کو حل کرنے کیلئے ترامیم آتی رہیں گی۔