خیبر پختونخوا میں گورنر راج کے معاملے پر سلمان اکرم راجہ اور فیصل واوڈا کھل کر بول پڑے

خیبر پختونخوا میں گورنر راج کا خدشہ

اسلام آباد (مانیٹرنگ ڈیسک) خیبر پختونخوا میں گورنر راج کے معاملے پر سلمان اکرم راجہ اور سینیٹر فیصل واوڈا کھل کر بول پڑے۔

سلمان اکرم راجہ کا بیان

تحریک انصاف کے سیکریٹری جنرل سلمان اکرم راجہ نے کہا ہے کہ خیبر پختونخوا میں گورنر راج کا خطرہ موجود ہے۔

’’جیو نیوز‘‘ کے پروگرام ’’کیپیٹل ٹاک‘‘ میں میزبان حامد میر سے گفتگو کرتے ہوئے پی ٹی آئی کے سیکریٹری جنرل سلمان اکرم راجہ کا کہنا تھا کہ اگر بانی تحریک انصاف سے ملاقات نہیں کروائی جاتی تو یہ خلافِ آئین ہوگا۔ اس فیصلے پر تعجب نہیں ہوگا، مگر افسوس ضرور ہوگا۔

سینیٹر فیصل واوڈا کا ردعمل

پروگرام میں سینیٹر فیصل واوڈا نے بھی شرکت کی۔ ایک سوال کے جواب میں فیصل واوڈا نے کہا کہ پی ٹی آئی نے اگر سیاست میں مزید گند کرنا ہے تو پھر گورنر راج کے لیے تیار رہیں۔ کل وزیراعلیٰ خیبر پختونخوا سہیل آفریدی کی بانی تحریک انصاف سے ملاقات نہیں ہوگی۔