مسیحی ملازمین کے لیے دسمبر کی تنخواہیں پیشگی جاری کرنے کا نوٹیفکیشن جاری
کرسمس کی مناسبت سے پیشگی تنخواہ کی ادائیگی
کوئٹہ(ڈیلی پاکستان آن لائن) حکومتِ بلوچستان کے محکمہ خزانہ نے صوبے کے تمام مسیحی سرکاری ملازمین اور پنشنرز کو کرسمس کی مناسبت سے دسمبر 2025 ء کی تنخواہیں اور پنشن پیشگی ادا کرنے کا نوٹیفکیشن جاری کر دیا ہے۔
یہ بھی پڑھیں: پاکستان اور چین تاریخی و ثقافتی اعتبار سے ایک دوسرے سے جڑے ہیں: وزیراعظم
تنخواہوں کی نئی تاریخ
نجی ٹی وی سما نیوز کے مطابق محکمہ خزانہ حکومت بلوچستان کی جانب سے جاری اعلامیے کے مطابق ماہ دسمبر کی تنخواہیں جو معمول کے مطابق یکم جنوری 2026 کو قابلِ ادائیگی تھیں، اب 22 دسمبر 2025ء کو ادا کی جائیں گی تاکہ مسیحی برادری صوبے بھر میں 25 دسمبر کو کرسمس کے تہوار کی تیاری آرام سے کرسکے۔
یہ بھی پڑھیں: نوا آیاں اے سوھنڑیاں …کراچی کی خونی سڑکوں نے مولا جٹ کے نوری نت کا بھی لحاظ نہ کیا
مالی آسانی کا مقصد
نوٹیفکیشن کے مطابق حکومتی فیصلے کا مقصد کرسمس کے موقع پر مسیحی سرکاری ملازمین اور پنشنرز کو مالی آسانی فراہم کرنا ہے تاکہ وہ مذہبی تہوار بہتر انداز میں منا سکیں۔
وفاقی حکومت کی چھٹیوں کا اعلامیہ
واضح رہے کہ وفاقی حکومت نے رواں سال کے دوران چھٹیوں کا نوٹیفکیشن جاری کردیا ہے۔ اعلامیے کے مطابق 25 دسمبر 2025 بروز جمعرات کو یوم قائداعظم کی عام تعطیل ہوگی جبکہ 26 دسمبر 2025 بروز جمعہ کو مسیحی ملازمین کے لیے کرسمس کے بعد کی عام تعطیل ہوگی۔
