وفاقی وزیر عبدالعلیم خان کی فیلڈ مارشل سید عاصم منیر کو چیف آف ڈیفنس تعینات ہونے پر مبارکباد
مبارکباد کا پیغام
اسلام آباد (ڈیلی پاکستان آن لائن) وفاقی وزیر اور صدر استحکام پاکستان پارٹی عبدالعلیم خان نے فیلڈ مارشل عاصم منیر کو مبارکباد دیتے ہوئے کہا ہے کہ آپ کا چیف آف ڈیفنس فورسز کے منصب پر فائز ہونا لائق تحسین ہے۔ وطن عزیز کے دفاع کے لئے سید عاصم منیر کی قائدانہ صلاحیتیں قابل فخر ہیں۔
یہ بھی پڑھیں: چودھری شوگرملز کیس؛ نیب کا تفتیش بند کرنے کی حتمی منظوری کیلئے احتساب عدالت سے رجوع
تاریخی کامیابی
عبدالعلیم خان نے کہا کہ پہلے چیف آف ڈیفنس فورسز کی حیثیت سے وہ نئی تاریخ رقم کریں گے۔ سید عاصم منیر کی آئندہ 5 برسوں کے لئے تعیناتی دشمن کے لئے واضح پیغام ہے۔ ساری قوم پاک فوج اور سپہ سالار کے ساتھ یک جان ہو کر کھڑی ہے۔
یہ بھی پڑھیں: عالمی بینک نے پاکستان کے لیے 108 ملین ڈالر کی اضافی فنانسنگ کی منظوری دیدی
ائیر چیف مارشل کو مبارکباد
عبدالعلیم خان نے ائیر چیف مارشل ظہیر بابر سدھو کو بھی دو سال کی توسیع پر مبارکباد دی اور کہا کہ ظہیر بابر سدھو نے پاک فضائیہ کی قیادت کرتے ہوئے بھارت کو تاریخی سبق سکھایا۔ افواج پاکستان کی کامیابی اور ارض پاک کے مضبوط دفاع کے لئے ہر شہری دعا گو ہے۔
قوم کے ہیرو
25 کروڑ عوام کے حقیقی ہیروز کو اس تاریخی دن پر خراج تحسین پیش کرتے ہیں۔ اللہ تعالیٰ آپ کو اس معتبر فریضے کی ادائیگی میں کامیابیاں عطا فرمائے۔
