جلاؤ گھیراؤ کیس: اعظم سواتی سمیت پی ٹی آئی رہنماؤں کی ضمانت میں توسیع

انسداد دہشت گردی عدالت کا فیصلہ

لاہور (ڈیلی پاکستان آن لائن) انسداد دہشت گردی عدالت لاہور نے مسلم لیگ (ن) کا دفتر جلانے اور کلمہ چوک پر کنٹینر جلانے سمیت نو مئی کے چھ مقدمات میں پی ٹی آئی رہنماؤں کی عبوری ضمانت میں توسیع کر دی۔

یہ بھی پڑھیں: ہفتہ وار مہنگائی کی سالانہ شرح 2 اعشاریہ 30 فیصد ریکارڈ، 18 اشیائے ضروریہ کی قیمتوں میں اضافہ

عبوری ضمانت کی توسیع

نجی ٹی وی چینل دنیا نیوز کے مطابق انسداد دہشت گردی عدالت کے جج ارشد جاوید نے سابق پی ٹی آئی رہنماؤں اور کارکنان کی عبوری ضمانتوں کی سماعت کی۔ عدالت نے پی ٹی آئی رہنماوں کی عبوری ضمانت میں 16 جنوری تک توسیع کر دی۔

یہ بھی پڑھیں: دو مہینے گزر گئے مگر بشریٰ بی بی کی فیملی کو اب تک ان سے ملاقات کی اجازت نہیں دی جا رہی، نعیم حیدر پنجوتھہ

ملزمان کی پیشی

ملزمان عبوری ضمانت کی معیاد ختم ہونے پر عدالت میں پیش ہوئے، جن میں اعظم خان سواتی سمیت دیگر شامل تھے۔ پی ٹی آئی رہنما حافظ فرحت عباس، کرامت کھوکھر، حافظ ذیشان بھی عبوری ضمانت کے لیے پیش ہوئے۔

یہ بھی پڑھیں: کھیل کے میدان کو قریب لانے کا ذریعہ ہونا چاہیے نہ کہ تنازعات کو ہوا دینے کا

تفتیشی رپورٹ

جے آئی ٹی کے تفتیشی افسران نے تفتیشی رپورٹ پیش کی، جس میں علیمہ خان اور عظمی خان سمیت تمام ملزمان کو گناہ گار قرار دیا گیا ہے۔

یہ بھی پڑھیں: بچوں کی ماں نے مذہب تبدیل کر کے 12 ویں جماعت کے نوجوان سے شادی کر لی

مزید ملزمان

اعظم خان سواتی، جمشید اقبال چیمہ، مسرت جمشید چیمہ، حافظ فرحت عباس، بلال اعجاز، رائے حسن نواز، علی امتیاز وڑائچ، محمد احمد چٹھہ، محمد اشرف سوہنا، رائے مرتضی اقبال سمیت دیگر نے بھی عبوری ضمانت دائر کر رکھی ہے۔

مقدمات کی نوعیت

ملزمان نے مسلم لیگ (ن) کا دفتر جلانے اور کلمہ چوک پر کنٹینر جلانے سمیت نو مئی کے دیگر مقدمات میں عبوری ضمانتیں دائر کر رکھی ہیں.