سندھ میں بغیر نمبر پلیٹس گاڑیوں اور بغیر ڈرائیونگ لائسنس ڈرائیورز کے خلاف کریک ڈاؤن کا فیصلہ
کراچی میں کریک ڈاؤن کا آغاز
کراچی (ڈیلی پاکستان آن لائن) شہر قائد سمیت صوبے بھرمیں بغیر نمبر پلیٹس گاڑیاں چلانے والوں اوربغیر ڈرائیونگ لائسنس ڈرائیورز کے خلاف بھرپورکریک ڈاؤن شروع کرنے کا فیصلہ کرلیا گیا ہے۔
یہ بھی پڑھیں: مودی راج میں بھارت خواتین کے لیے دنیا کا سب سے غیر محفوظ ترین ملک قرار، نظام انصاف مفلوج، عالمی میڈیا بول اٹھا، شرمناک اعدادوشمار پیش کیے
آئی جی سندھ کا مراسلہ
آئی جی سندھ کی جانب سے ایڈیشنل آئی جی کراچی رینج، زونل ڈی آئی جیز، ڈی آئی جی سکھر، لارکانہ، حیدر آباد، میرپورخاص اور شہید بے نظیر آباد ڈی آئی جی سی آئی اے، ڈی آئی جی ٹریفک کراچی، حیدر آباد ضلعی ایس ایس پیز اور ایس پی اے وی ایل سی کو ایک مراسلہ ارسال کیا گیا ہے۔
یہ بھی پڑھیں: ویڈیو: مریم نواز ہیلتھ کلینک منصوبہ عوام کے لیے کتنا فائدہ مند ہے؟ عوام کے لیے کون کونسی سہولیات موجود ہیں؟ عوام کا رد عمل دیکھیے۔
مراسلے میں موجود ہدایات
مراسلے میں بتایا گیا کہ حالیہ مشاہدے میں یہ بات سامنے آئی ہے کہ صوبے بھرمیں بڑی تعداد میں گاڑیاں بغیر نمبر پلیٹس سڑکوں پر رواں دواں ہیں جبکہ متعدد ڈرائیور بغیر لائسنس کے گاڑیاں چلا رہے ہیں۔ تمام پولیس افسران کو ہدایت جاری کی جاتی ہے کہ ایسی گاڑیوں کی فوری نشاندہی کی جائے اور موٹر وہیکل آرڈیننس کے تحت سخت قانونی کارروائی عمل میں لائی جائے۔
یہ بھی پڑھیں: جس طرح ترمیم ہو رہی ہے وہ جرم ہے، ہم اس کا حصہ نہیں بنیں گے، علی ظفر
روزانہ کی بنیاد پر رپورٹس
مراسلے میں تمام یونٹس کو ہدایت جاری کی گئی ہے کہ روزانہ کی بنیاد پر صبح 10 بجے تک رینج وائز اور ڈسٹرکٹ وائزرپورٹس آئی جی پی آپریشنز روم کو ارسال کی جائیں تاکہ مہم کی پیش رفت کا روزانہ کی بنیاد پر جائزہ لیا جا سکے۔
سیکیورٹی اقدامات کی اہمیت
آئی جی سندھ نے اس اقدام کو ٹریفک قوانین پر عمل درآمد یقینی بنانے اور سیکیورٹی اقدامات کو مؤثر بنانے کے لیے انتہائی ضروری قرار دیا ہے اور تمام متعلقہ افسران کو اس مراسلے کو فوری طور پر عمل درآمد کرنے کی ہدایت کی۔
