وفاقی وزرا کی پریس کانفرنس غیر انسانی، غیر اخلاقی اور غیر قانونی تھی، یہ رویہ عوام کو اشتعال دلانے کے مترادف ہے، وزیراعلیٰ سہیل آفریدی

وزیر اعلیٰ خیبر پختونخوا کا اجلاس

پشاور (ڈیلی پاکستان آن لائن) وزیر اعلیٰ خیبر پختونخوا نے 41 ویں صوبائی کابینہ اجلاس سے ویڈیو لنک کے ذریعے مستقبل کی پالیسی گائیڈ لائنز جاری کر دیں۔

یہ بھی پڑھیں: ویڈیو: پیٹرول کی قیمت بڑھنے پر شہری غصے سے آگ بگولا

عمران خان اور ان کی اہلیہ کی گرفتاری پر مذمت

وزیراعلیٰ سہیل آفریدی نے کہا کہ ہمارے لیڈر عمران خان اور ان کی اہلیہ کو قید تنہائی میں رکھا ہوا ہے جس کی صوبائی حکومت بھرپور مذمت کرتی ہے۔ وفاقی وزرا کی پریس کانفرنس غیر انسانی، غیر اخلاقی اور غیر قانونی تھی۔ وفاقی وزراء کا یہ رویہ عوام کو اشتعال دلانے اور جان بوجھ کر حالات خراب کرنے کے مترادف ہے۔ وفاقی حکومت کی جانب سے ایسی پریس کانفرنسز کی بھی صوبائی حکومت مذمت کرتی ہے۔ عمران خان پورے پاکستان کے لیڈر ہیں اور ان کی اہلیہ ایک غیر سیاسی اور باپردہ خاتون ہیں۔

یہ بھی پڑھیں: جکارتہ ؛ شمالی سماٹرا میں 6شدت کا زلزلہ

پالیسی اقدامات اور گڈ گورننس

سہیل آفریدی نے مزید کہا کہ صوبائی حکومت پہلے ہی گڈ گورننس روڈ میپ دے چکی ہے۔ سرکاری اجلاسوں میں شرکت کے لیے سول افسران جدید ٹیکنالوجی کا استعمال کریں۔ سرکاری اجلاسوں میں آن لائن شرکت کی جائے، اس سے سرکاری اخراجات میں کمی ہوگی۔ گڈ گورننس اور شفافیت کے لیے صوبے کے تمام سرکاری، خودمختار و نیم سرکاری اداروں میں بھرتیاں صرف ایٹا کے ذریعے کی جائیں گی۔

کوئی بھی سرکاری بھرتی پرائیویٹ ٹیسٹنگ ایجنسی کے ذریعے نہیں ہوگی۔ کل ہونے والے قومی مالیاتی کمیشن کے اجلاس میں صوبے کا مقدمہ بھرپور انداز میں پیش کیا ہے۔ ہمارے اصولی موقف کے ساتھ اجلاس کے تمام شرکاء نے اتفاق کیا ہے۔ این ایف سی میں ضم اضلاع کا شیئر شامل نہیں جو 1375 ارب روپے بنتے ہیں۔ طورخم بارڈر 55 روز سے بند ہے، جس کے باعث ڈرائیوروں کے ساتھ مرد، خواتین، بچے اور بزرگ بھی شدید متاثر ہو رہے ہیں۔

ضلعی انتظامیہ کے لیے ہدایات

وزیر اعلیٰ نے خیبر کی ضلعی انتظامیہ کو کھانے پینے اور تمام ضروری سہولیات فراہم کرنے کی ہدایت کی۔ سول افسران بالخصوص ضلعی انتظامیہ کو بلٹ پروف گاڑیاں ترجیحی بنیادوں پر فراہم کی جائیں گی۔

وزیر اعلی کا بلٹ پروف گاڑیوں کی خریداری میں حائل تمام رکاوٹوں کو ترجیحی بنیادوں پر حل کرنے کی ہدایت۔

وزیر اعلیٰ خیبر پختونخوا نے 41 ویں صوبائی کابینہ اجلاس سے ویڈیو لنک کے ذریعے مستقبل کی پالیسی گائیڈ لائنز جاری کر دیں

ہمارے لیڈر عمران خان اور ان کی اہلیہ کو قید تنہائی میں رکھا ہوا ہے جس کی صوبائی حکومت بھرپور مذمت کرتی ہے.

وفاقی وزرا کی پریس کانفرنس غیر انسانی، غیر اخلاقی… pic.twitter.com/sprZKllNVt

— Government of KP (@GovernmentKP) December 5, 2025