وزیراعلیٰ خیبر پختونخوا اڈیالہ کے باہر بیٹھنے کے بجائے عوامی خدمت پر توجہ دیں، ہمیں اڈیالہ جیل کے باہر بیٹھنے کا نہیں بلکہ عوام کی خدمت کا مینڈیٹ ملا ہے، وزیراعلیٰ مریم نواز

وزیراعلیٰ پنجاب کی عوامی خدمت پر توجہ دینے کی اپیل

گوجرانوالہ (ڈیلی پاکستان آن لائن) وزیراعلیٰ پنجاب مریم نوازشریف کا کہنا ہے وزیراعلیٰ خیبر پختونخوا اڈیالہ جیل کے باہر بیٹھنے کے بجائے عوامی خدمت پر توجہ دیں، ہمیں اڈیالہ جیل کے باہر بیٹھنے کا نہیں بلکہ عوام کی خدمت کا مینڈیٹ ملا ہے۔

یہ بھی پڑھیں: کشمیری رہنماؤں کو جھوٹے مقدمات میں سزائیں دی جا رہی ہیں: وفاقی وزیر برائے امور کشمیر امیر مقام

گوجرانوالہ ماس ٹرانزٹ سسٹم کا افتتاح

گوجرانوالہ ماس ٹرانزٹ سسٹم کی سنگ بنیاد رکھنے کی تقریب سے خطاب میں مریم نواز نے کہا کہ ایٹم بم سے موٹرویز تک، بنیان مرصوص سے محافظ حرمین شرفین تک، اندھیروں سے روشنی تک ہر جگہ مسلم لیگ (ن) ہی نظر آتی ہے۔

یہ بھی پڑھیں: راولپنڈی میں دفعہ 144 کے نفاذ میں یکم جنوری تک توسیع

میانوالی اور گجرات کے مسائل

میانوالی اور گجرات کے لوگ اعلی ترین عہدوں پر فائز رہے لیکن اپنے شہر کے مسائل حل نہ کرسکے۔ میانوالی میں ترقی کی نشانیاں ڈھونڈنی پڑتی تھیں، پورا گجرات بارش کے پانی میں ڈوب جاتا تھا۔

یہ بھی پڑھیں: سیلاب نے تناہی مچا دی، گوجرانوالہ ڈویژن میں 7 افراد جاں بحق

ترقیاتی منصوبے اور اقدامات

مریم نوازشریف نے کہا کہ ہم نے میانوالی میں سڑکیں، اوور ہیڈ بریج، اور گرین بس پراجیکٹس شروع کئے، گجرات میں 30 ارب روپے کی لاگت سے پورے شہر کا سیوریج سسٹم بنا رہے ہیں۔

یہ بھی پڑھیں: عدالت نے ڈکی بھائی کی اہلیہ کی عبوری ضمانت میں توسیع کر دی

خیبر پختونخوا کی صورتحال

12 سال خیبرپختونخوا پر ایک ہی پارٹی نے بلا شرکت غیر حکومت کی اور صوبہ اب آثار قدیمہ نظر آتا ہے، 23 نومبر کو ہری پور نے فیصلہ مسلم لیگ(ن) کے حق میں سنا دیا کیونکہ جھوٹ کی شیلف لائف ہوتی ہے۔ ہری پور میں شیر کے حق میں فیصلہ آنے کی وجہ نا اہلی کی تاریخ ہے۔ خیبر پختونخوا کی عوام نے جھوٹ کی سیاست کو خیر آباد کہہ کر (ن) لیگ کو ووٹ دیا۔

وزیراعلیٰ کی تنقید

خیبر پختونخوا کا ایک وزیراعلیٰ صوبائی سرکاری مشینری کے ساتھ وفاق پرحملہ آور ہوتا رہا، وزیراعلیٰ کے پی کے اڈیالہ کی بجائے اسپتالوں، اسکولوں کے سامنے جا کر بیٹھیں۔