سندھ بھر میں روایتی جوش و جذبے کے ساتھ کلچر ڈے منایا جا رہا ہے

سندھ کلچر ڈے کی تقریب

کراچی(ڈیلی پاکستان آن لائن) کراچی سمیت سندھ بھر میں آج روایتی جوش و جذبے کے ساتھ ’سندھ کلچر ڈے‘ منایا جا رہا ہے۔

یہ بھی پڑھیں: پاکستانی کرکٹر حیدر علی پر خاتون کاریپ کا الزام، نئے حقائق سامنے آگئے

تقریبات اور ثقافتی اظہار

نجی ٹی وی چینل ایکسپریس نیوز کے مطابق اس دن کی مناسبت سے کراچی پریس کلب اور اردگرد علاقوں میں مختلف تقریبات منعقد کی جائیں گی، جن میں شہری سندھی ٹوپی، اجرک اور ثقافتی لباس پہن کر صوبے کی قدیم تہذیب سے اپنی وابستگی کا اظہار کریں گے۔

یہ بھی پڑھیں: چلغوزے کی قیمت میں پچاس سے ساٹھ فیصد تک کمی ریکارڈ

ریلیاں اور میوزیکل پروگرامز

کلچر ڈے کے موقع پر مختلف شہروں اور دیہات میں ریلیاں نکالی جا رہی ہیں، جبکہ متعدد مقامات پر میوزیکل پروگرام، نمائشیں اور ٹیبلوز کے ذریعے سندھ کی ثقافت کے رنگ نمایاں کیے جا رہے ہیں۔ بچے بھی مختلف پرفارمنس کے ذریعے خطے کی روایات کو اجاگر کر رہے ہیں۔

یہ بھی پڑھیں: ایشیا کپ فائنل، پاکستان جس طرح کھیلا ہے اب انڈیا کی ساری امیدیں ابھیشک اور گل پر ہیں، کرک انفو کا تبصرہ

ثقافتی اشیاء کی خریداری

سندھی ٹوپی، اجرک اور دیگر ثقافتی اشیاء کی خریداری میں بھی خاصا اضافہ دیکھنے میں آ رہا ہے۔ علاقائی دھنیں اور لوک موسیقی اس تہوار کے ماحول کو مزید خوبصورت بنا رہی ہیں.

ثقافت کا سالانہ جشن

واضح رہے کہ سندھ میں ہر سال دسمبر کے پہلے اتوار کو ’یومِ ثقافت سندھ‘ منایا جاتا ہے، جس کے لیے خصوصی تقریبات کا اہتمام کیا جاتا ہے.